काठमाडौं । रिलायन्स लाइफ इन्स्योरेन्स कम्पनीले राकेश पोखरेललाई प्रमुख कार्यकारी अधिकृतमा नियुक्ति गर्ने भएको छ । स्रोतका अनुसार कम्पनीको सञ्चालक समितिले पोखरेललाई प्रमुख कार्यकारी अधिकृतमा नियुक्ति गर्ने निर्णय गरिसकेको छ । कम्पनीले आइतबार नियामकीय स्वीकृतिका लागि बीमा समितिमा पेश गर्दैछ ।
पोखरेलले त्रिभुवन विश्वविद्यालयबाट अर्थशास्त्रमा स्नातकोत्तर गरेका छन् । त्यस्तै सन् २००९ मा भारतीय बोर्ड (ICAI) बाट चार्टर्ड एकाउन्टेन्सी उपाधि हासिल गरेका पोखरेलले तीन वटा जीवन बीमा कम्पनीमा काम गरिसकेका छन् ।
प्राइम लाइफमा इन्टर्नल अडिटरको रुपमा प्रवेश गरेका पोखरेलले साढे चार वर्ष काम गरेका थिए । प्राइम लाइफ छाडेर उनले सूर्या लाइफमा सहायक महाप्रबन्धक ‘एजिएम’ पदमा काम सुरु गरे । पछि बढुवा भएर उपमहाप्रवन्धक भए । लगभग पौने तीन वर्ष काम गरेर सूर्या लाइफ छाडेका थिए । सूर्या लाइफपछि उनले आइएमई लाइफको सुरुवाती ६ महिनामा प्रमुखको भूमिकामा महाप्रवन्धक पदमा काम गरेका थिए । उनी विगत तीन–चार वर्षदेखि बीमा क्षेत्रभन्दा बाहिर थिए ।
यही पुस १२ गतेदेखि कम्पनीको प्रमुख कार्यकारी अधिकृत पद खाली छ । निवर्तमान प्रमुख कार्यकारी अधिकृत प्रविण रमण पराजुली पहिलो कार्यकाल सकाएर बाहिरिएका थिए । उनी नेपाल लाइफमा सहायक प्रमुख कार्यकारी अधिकृत पदमा जादै छन् ।
हाल रिलायन्स लाइफले अर्काे व्यवस्था नभएसम्मको लागि नायव प्रमुख कार्यकारी अधिकृत निराजन कँडेललाई कायम मुकायम प्रमुख कार्यकारी अधिकृतको जिम्मेवारी दिएको छ । कम्पनीको सञ्चालक समितिले पोखरेललाई प्रमुख कार्यकारी अधिकृत बनाउने निर्णय गरे पनि नियामक निकाय बीमा समितिबाट स्वीकृति लिनुपर्छ । बीमा समितिले आवश्यक कागजपत्र, व्यवसायिक योजना हेरेर अन्तिम स्वीकृति प्रदान गर्छ । समितिले स्वीकृति प्रदान गरेपछि मात्रै कम्पनीको सञ्चालक समितिले अन्तिम निर्णय गर्नुपर्छ ।
रिलायन्स लाइफको प्रमुख कार्यकारी अधिकृतमा राकेश पोखरेल नियुक्ति
आर्थीकसंसार संवाददाता१६ पुष, २०७८
१६ पुष, २०७८- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- बीमा दाबी भुक्तानी छिटोछरितो बनाउनुपर्ने
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- प्रभु बैंकमा दुई सञ्चालक नियुक्त
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- हिमालयन लघुवित्तको नाफा ७३ प्रतिशतले बढ्यो, प्रतिशेयर आम्दानी कति ?
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो