१३ जेठ, २०८३काठमाडौं । एनएलजी इन्स्योरेन्स कम्पनीले बीमा दाबी फर्छ्यौटका लागि सम्पर्कमा आउन बीमितलाई आग्रह गरेको छ।
कम्पनीले आज एक सूचना जारी गर्दै यस्तो आग्रह गरेको हो। २०८२ चैत मसान्तसम्मको क्षति भई बीमा दाबी पेस भएर पनि अपुग कागजातका कारण रोकिएको दाबी फर्छ्यौट प्रक्रिया अगाडि बढाउन बीमितलाई कम्पनीले आग्रह गरेको छ।
उक्त अवधिसम्मको बीमा दाबीमा हालसम्म सर्भेयर वा बीमा कम्पनीमा बीमित वा प्रतिनिधिले आवश्यक कागजात पेस गरेका वा सम्पर्कमा नआएको यथाशीघ्र आवश्यक कागजातसहित कम्पनी वा सम्बन्धि सर्भेयरसँग सम्पर्क गरी दाबी फर्छयौट प्रक्रिया अगाडि बढाउन कम्पनीले आग्रह गरेको छ। यसका लागि कम्पनीले ३५ दिनको समय दिएको छ।
तोकिएको अवधिभित्र आवश्यक कागजातसहित सम्पर्कमा नआएका बीमा दाबीका फाइल बन्द गरिने कम्पनीले स्पष्ट पारेको छ। बीमा दाबी विवरण कम्पनीको वेबसाइटमा हेर्न सकिने व्यवस्था गरिएको छ।
