काठमाडौं । नेपाल एसबिआई बैंकले नगद लाभांश शेयरधनीको बैंक खातामा पठाउन सुरु गरेको छ । बैंकले पुस २८ गते सम्पन्न वार्षिक साधारणसभाबाट पारित ३ दशमलव ४७ प्रतिशत नगद लाभांश हितग्राही खातामा उल्लेख गरेको बैंक खातामा आजदेखि पठाउन सुरु गरेको हो ।
हालसम्म पनि शेयर अभौतिकीकरण नगराएका र हितग्राही खातामा बैंक खाता अद्यावधिक नगराएका शेयरधनीले यथाशीघ्र शेयर अभौतिकीकरण गराई हितग्राही खातामा बैंक खाता अद्यावधिक गराएपछि मात्र नगद लाभांश पाउने पनि बैंकले जनाएको छ ।
बैंकले विभिन्न वार्षिक साधारणसभाबाट पारित भएको मितिले ५ वर्ष बितिसकेपछि पनि केही शेयरधनी अझै लाभांश संकलन गर्न नआएकाले सम्पर्क गर्न आग्रह गरेको छ ।
विभिन्न समयमा जारी गरेको हकप्रद शेयर खरीदका लागि आवेदन पेश गरी फिर्ता भएको लगानी रकम हालसम्म पनि केही शेयरधनी लिन नआएकाले उक्त लगानी रकम कम्पनी ऐन २०६३ अनुसार लगानीकर्ता संरणक्ष कोषमा पठाई सकिएको हुँदा आफ्नो लिन बाँकी नगद लाभांश नेपाल एसबिआई मर्चेण्ट बैंकिङमा सम्पर्क राख्नसमेत बैंकले आग्रह गरेको छ ।