१३ पुस, २०८२काठमाडौं । नेशनल लाइफ इन्स्योरेन्सको वरिष्ठ एजेन्सी म्यानेजर जीवन कुमार खत्री टप अफ द टेबल(टीओटी) को लागि तोकिएको व्यवसायीक लक्ष्य पुरा गर्न सफल भएका छन् ।
खत्रीले सन् २०२६ को लागि टीओटी योग्य हुन तोकिएको व्यवसायीक लक्ष्य पुरा गरेर योग्यता पुरा गरेका हुन् । गत वर्ष उनले इन्स्योरेन्सका अनुसार खत्रीले सन् २०२५ का लागि कोर्ट अफ द टेबल(सीओटी) उपाधिका लागि योग्य भएका थिए । उनले मिलियन डलर राउण्ड टेबल(एमडिआरटी) ले तोकेको व्यवसायीक लक्ष्य पुरा गर्दै यसपटक टीओटी उपाधीका लागि दाबेदार बन्न सफल भएका हुन् ।
मिलियन डलर राउण्ड टेबल विश्व भरका बीमा अभिकर्ता तथा वित्तीय परामर्शदाताको अन्तर्राष्ट्रिय संस्था हो । यो संस्थाले तोकेको वार्षिक व्यवसायीक लक्ष्य पुरा गर्ने अभिकर्तालाई एमडिआरटी, सिओटी र टिओटी उपाधी दिंदै आएको छ। यसका लागि अमेरिकी डलरमा सदस्यता शुल्क भुक्तानी गर्नुपर्छ। यी तीनवटा मध्ये कुनै एक उपाधिका लागि योग्य हुने अभिकर्ताले सदस्यता शुल्क र सम्मेलन दर्ता शुल्क भुक्तानी गरेको अवस्थामा अन्तर्राष्ट्रिय सम्मेलनमा सहभागिताको अवसर समेत प्राप्त गर्छन् ।
