२४ जेठ, २०८२काठमाडौं । मेरो माइक्रोफाइनान्स लघुवित्त वित्तीय संस्था, शाखा कार्यालय भवानीपुर बाँकेले एपीएफ स्कुल कोहलपुर,बाँकेको सहकार्यमा एक दिने वित्तीय साक्षरता कार्यक्रम सम्पन्न गरेको छ ।
संस्थाले यस अघि विभिन्न ठाउँमा वित्तीय साक्षरता कार्यक्रम गर्दै आइरहेको छ । यसै सन्दर्भमा यसपटक एपीएफ स्कुलको कक्षा,९ र १० का करिब ११० जना विद्यार्थीहरुलाई वित्तीय साक्षरता कार्यक्रम आयोजना गरिएको हो ।
कार्यक्रममा वित्तीय साक्षरता सम्बन्धि प्रस्तुतिकरण दिँदै संस्थाका केन्द्रिय कार्यालयमा उमेशमान डंगोलले प्रस्तुतिकरण दिएका थिए । त्यस्तै, कार्यक्रममा केन्द्रिय कार्यालयका जगननाथ खतिवडा, अनुगनम कार्यालय भवानीपुर बाँकेका अनुगमन अधिकूत सरोज पण्डित र शाखा कार्यालय भवानीपुर बाँकेका शाखा प्रमुख प्रशान्त शाह र एपीएफ स्कुलका कार्यलय प्रमुख राज कुमार प्याकुरेलको उपस्थिति रहेको थियो ।
सो कार्यक्रममा बचत गर्ने तरिका बैंक, बीमा कम्पनी, फाइनान्स तथा माइफोफाइनान्स लगायतका विषयमा विद्यार्थीहरुलाई जानकारी दिइएको थियो ।
