आर्थीकसंसार संवाददाता२३ माघ, २०८१
२३ माघ, २०८१काठमाडौं । नेपाल बीमा प्राधिकरणको कार्यकारी निर्देशकमा सुशीलदेव सुवेदी सिफारिस भएका छन् । बुधबार बसेको पदपुर्ति समितिको बैठकले उनलाई कार्यकारी निर्देशकका लागि सिफारिस गरेको हो ।
उनलाई कार्यसम्पादन मूल्यांकनको आधारमा कार्यकारी निर्देशकमा नियुक्त गरेको प्राधिकरणले जानकारी दिएको छ । उनले आन्तरिक कार्यसम्पादन मूल्यांकन, जेष्ठता, शैक्षिक योग्यता र तालिमबापत् उच्च अंक पाउँदै सिफारिस भएका हुन् ।
समितिले सिफारिस गरेसँगै अब प्राधिकरणले उनलाई कार्यकारी निर्देशकमा नियुक्त गर्नेछ । उनले कुल ७७. १९४ अंक प्राप्त गरेका छन् ।
कार्यकारी निर्देशकका लागि सुवेदीसँगै कमलराज रेग्मी र पुजन ढुङ्गेल प्रतिस्पर्धामा थिए ।