आर्थीकसंसार संवाददाता१६ मंसिर, २०८१
१६ मंसिर, २०८१काठमाडौं । नेपालको पहिलो निर्जीवन बीमा कम्पनी नेपाल इन्स्योरेन्स कम्पनी र लुम्बिनी लायन्सबीच एनपएील क्रिकेट प्रायोजनसम्बन्धी द्विपक्षीय सम्झौता सम्पन्न भएको छ।
कम्पनीका तर्फबाट नायब प्रमुख कार्यकारी अधिकृत ईश्वर पोखरेल र लुम्बिनी लायन्सका तर्फबाट अध्यक्ष ईश्वर बहादुर जीसीले सम्झौतापत्रमा हस्ताक्षर गरेका छन्। हस्ताक्षर कार्यक्रममा कम्पनीका सहायक प्रमुख कार्यकारी अधिकृत विकल लाल श्रेष्ठ र लुम्बिनी लायन्सका बाबु काजी कार्कीको समेत उपस्थिति थियो।
नेपाल सरकारको स्वामित्वमा १९९४ सालमा स्थापित नेपालको पहिलो वाणिज्य बैंक नेपाल बैंक लिमिटेडको सहभागितामा स्थापित यस कम्पनीले विगत ७८ वर्षदेखि निरन्तर रुपमा नेपाली बीमा बजारमा आफ्नो छुट्टै सुनौलो पहिचान, साख र प्रतिष्ठा कायम राख्दै विश्वासीलो र भरपर्दो कम्पनीको रुपमा बीमा सेवा प्रदान गर्दै आएको छ।