१४ मंसिर, २०८१काठमाडौं । निर्जीवन बीमकको व्यापार बागमती प्रदेशमा बढी केन्द्रित रहेको देखिएको छ। नेपाल बीमा प्राधिकरणले सार्वजनिक गरेको चालु आर्थिक वर्षको कात्तिकसम्मको तथ्यांकले यस्तो देखाएको हो।
तथ्यांकअनुसार १४ वटा निर्जीवन बीमा कम्पनी र ४ वटा निर्जीवन लघु बीमा कम्पनीले चालु आर्थिक वर्षको ४ महिनामा १४ अर्ब ३५ करोड ८६ लाख रुपैयाँ कुल बीमाशुल्क आर्जन गरेका छन्। यी कम्पनीको ६७.०१ प्रतिशत व्यापार बागमती प्रदेशबाट भएको देखिएको छ। बागमतीबाट कम्पनीहरुले ९ अर्ब ६२ करोड २२ लाख रुपैयाँ कुल बीमाशुल्क आर्जन गरेका छन्।
यसैगरी कोशी प्रदेश बीमा व्यापारको हिसाबले तेस्रो स्थानमा रहेको छ। यो प्रदेशबाट कम्पनीहरुले १ अर्ब १९ करोड २१ लाख रुपैयाँ कुल बीमाशुल्क आर्जन गरेको छ। कुल बीमा व्यवसायमा कोशीको हिस्सा ८.३० प्रतिशत रहेको छ।
कम्पनीहरुले मधेश प्रदेशबाट ९७ करोड ६ लाख रुपैयाँ (६.७६ प्रतिशत), गण्डकी प्रदेशबाट ७८ करोड ६४ लाख रुपैयाँ (५.४८ प्रतिशत), सुदूपश्चिम प्रदेशबाट ३६ करोड ८८ लाख रुपैयाँ (२.५० प्रतिशत) र कर्णाली प्रदेशबाट १२ करोड ५० लाख रुपैयाँ (०.८७ प्रतिशत) कुल बीमाशुल्क आर्जन गरेका छन्।