काठमाडौं । भारतको जीवन बीमा निगम (एलआईसी)ले चालु वित्त वर्षको अन्त्यसम्ममा बन्ड फर्वार्ड रेट एग्रिमेन्ट (एफआरए) बजारमा प्रवेश गर्ने तयारी गरेको छ। एलआईसीले आफ्नो ननपार्टिसिपेटरी बीमा पोलिसी व्यवसाय खण्डमा जोखिम कम गर्न एफआरए बजारमा प्रवेश गर्ने तयारी गरेको हो।

केही समयपहिले एलआईसीका एमडी र सीईओ सिद्धार्थ मोहन्तीले देशको सबैभन्दा ठूलो जीवन बीमा कम्पनीले डेरिभेटिभहरु प्रवेश गर्न नीतिगत स्वीकृति पाएको बताएका थिए। एफआरए बैंक र बीमा कम्पनीहरुबीचको सम्झौता हो। जसअन्तर्गत बीमा कम्पनीहरुले भविष्यका लागि निश्चित ब्याज दरमा सम्झौता गर्छन्। यसले तिनीहरुलाई बजार उतारचढ़ावबाट सुरक्षित राख्छ। यस्तो सम्झौतामा प्रवेश गरेर बीमा कम्पनीहरुले बीमितलाई निश्चित लाभ प्रदान गर्ने पोलिसी बेच्न सक्छन्।