काठमाडौं । सन नेपाल लाइफ इन्स्योरेन्सको मधेश प्रदेश कार्यालयले संस्थागत सामाजिक उत्तरदायित्व कार्यक्रम गरेको छ । सखुवा प्रसौनी गाउँपालिका पर्सा विद्यालय व्यवस्थापन समितिका अध्यक्ष तथा सदस्यहरूको आतिथ्यतामा ने.रा.आधारभुत विद्यालय सिद्वपुर, सखुवा प्रसौनी गाउँपालिका पर्सामा साना विद्यार्थीहरूलाइ ६४ थान शैक्षिक सामाग्री तथा विद्यालयलाइ ७ थान सिलिगं पंखा वितरण गरेको हो ।
उक्त सामान कम्पनीका प्रदेश प्रमुख नबराज चौधरी, विद्यालय व्यवस्थापन समितिका अध्यक्ष तथा सदस्यहरू लगायत उपस्थित सम्पुर्ण अभिभावक, शिक्षक, कर्मचारी, अभिकर्ता मार्फत विद्यार्थीहरूलाइ शैक्षिक सामाग्री हस्तान्तरण गरेको हो ।
सो कार्यक्रममा विद्यार्थी, अभिभावक, शिक्षक, अभिकर्ताहरू, मधेश प्रदेश प्रमुख नबराज चौधरी, बीरगंज शाखा प्रमुख प्रमोद प्रसाद साह तथा कम्पनीमा कार्यरत कर्मचारीहरुको सहभागिता रहेको थियो ।
सो आधारभूत विद्यालयमा विद्यार्थीहरूलाइ शैक्षिक सामाग्री तथा विद्यालयलाइ सिलिगं पंखा आवश्यकता रहेको हुदाँ शिक्षणमा सहयोग पुग्ने उद्देश्यका साथ कम्पनीले उक्त सहयोग गरेको छ ।
