१० असोज, २०८१काठमाडौं । नवीन बीमा समाधानहरूको अग्रणी प्रदायक, मेटलाइफ नेपालले खुसीका साथ राष्ट्रिय क्रिकेट टोलीका सबै सदस्यहरूको बीमा गर्न नेपाल क्रिकेट संघ (क्यान) सँग साझेदारी गर्ने घोषणा गरेको छ । नेपालमा क्रिकेट एउटा खेल मात्र नभई राष्ट्रिय स्वाभिमान र एकता रहेको कम्पनीले जनाएको छ । एक जिम्मेवार कम्पनीको रूपमा, मेटलाइफ नेपालले खेलकुदको उच्च स्तरमा राष्ट्रको प्रतिनिधित्व गर्ने खेलाडीहरूलाई व्यापक जीवन बीमा कभरेज उपलब्ध गराउनुको महत्वलाई मान्यता दिएको छ । अनिश्चितताको समयमा उनीहरूको भविष्य सुरक्षित गर्दै, यो पहलले खेलाडीहरूलाई निरन्तर सुरक्षा र मनको शान्ति प्रदान गर्ने उद्देश्यले क्यानसँग सम्झौता गरेको हो ।
पुल्चोकस्थित मेटलाइफ नेपालको मुख्य कार्यालयमा क्रिकेट संघ र मेटलाइफ नेपालका प्रतिनिधिहरू मिलेर महत्वपूर्ण सहकार्यको शुरुवात गरेको उक्त सम्झौतामा हस्ताक्षर भएको हो । यो साझेदारी अन्तर्गत, मेटलाइफले पुरुष र महिला राष्ट्रिय क्रिकेट टोलीका सदस्यहरूका साथै क्यानका सदस्यहरूलाई अनुकूल जीवन र स्वास्थ्य बीमा योजनाहरू प्रदान गर्नेछ । बीमा कभरेजमा खेलाडीहरूलाई जीवनको अप्रत्याशित चुनौतिहरूबाट आर्थिक रूपमा सुरक्षित हुने सुनिश्चितता गर्दै दुर्घटनामा मृत्यु भएमा १० लाख, दुर्घटनाग्रस्त चिकित्सा क्षतिपूर्तिको लागि २ लाख र अस्पतालमा भर्ना भएमा १ लाख जस्ता लाभहरू समावेश गरिने जनाइएको छ ।
मेट लाइफ नेपालका उपाध्यक्ष तथा महाप्रबन्धक निर्मल काजी श्रेष्ठले भनेः “हामी राष्ट्रिय क्रिकेट टोलीलाई हाम्रो समर्थन प्रदान गर्न पाउँदा गर्व गर्छौं । जीवन सुरक्षित गर्न र आत्मविश्वासी भविष्य सक्षम गर्न प्रतिबद्ध कम्पनीको रूपमा, हामीले हाम्रो राष्ट्रको राजदूतको रूपमा सेवा गर्ने र हाम्रो राष्ट्रको गौरवको लागि लड्ने हाम्रा क्रिकेट टोलीका सुरक्षाको महत्त्व बुझ्दछौं । यस सहयोगले हाम्रो समुदायको भलाइका लागि हाम्रो अतुलनीय समर्पणलाई जनाएको छ ।“