१६ भदौ, २०८१काठमाडौं । रिलायबल नेपाल लाइफ इन्स्योरेन्स, स्याङ्जास्थित वालिङ शाखाले छायाँक्षेत्र (छाङ्छाङ्दी मन्दिर) मा डस्टबिन वितरण गरेको छ । शाखाले शनिबार एक कार्यक्रमको आयोजना गरी सँस्थाको ७ औँ बार्षिकोत्सवको अवसरमा भिरकोट नगरपालिकास्थित छायाँक्षेत्र मन्दिरमा डस्टबिन वितरण गरेको हो ।
सो कार्यक्रममा मन्दिर व्यवस्थापन समितिका अध्यक्ष पिताम्बर श्रेष्ठले सँस्थाको सहयोगले छायाँक्षेत्र मन्दिर परिसरमा सरसफाई र स्वच्छता कायम राख्न सहयोग पुग्नेबताए । मन्दिर व्यवस्थापन समिति र आम तीर्थालु भक्तजनहरुलाई पनि फोहर व्यवस्थापन गर्न सहज हुने उनको भनाइ छ । यसरी सो मन्दिर व्यवस्थापनको सन्दर्भमा योगदान दिने रिलायबल नेपाल पहिलो बीमा कम्पनी भएको भन्दै उनले प्रशंसा समेत गरे ।
यसैगरी शाखाले वालिङ नगरपालिका वडा नं. ९ स्थित सातधारामा समेत डस्टबिन वितरण गरेको छ । कर्पोरेट संस्थाको सामाजिक उत्तरदायित्व वहन गर्ने सानो प्रयास अनुरुप कार्यक्रमको आयोजना गरिएको रिलायबल नेपाल लाइफ इन्स्योरेन्स, वालिङ शाखाका व्यवस्थापक नुन गुरुङले बताए । कार्यक्रममा बोल्दै उनले यी कार्यक्रमहरु संस्थाको व्यवसायिक प्रचार भन्दा पनि सामाजिक काम गर्ने अवसरको रुपमा आयोजना गरिएको समेत प्रस्टाए ।
शाखाले यसअघि विपन्न समुदायलाई राहत स्वरुप खाद्यान्न वितरण र जेहेन्दार विद्यार्थीहरुलाई छात्रावृत्तिका साथै शैक्षिक सामाग्री र पोशाक वितरण समेत गरेको थियो । शनिबार आयोजित कार्यक्रम पनि सोही कार्यको निरन्तरता रहेको व्यवस्थापक गुरुङले जानकारी दिए ।