काठमाडौं । मेटलाइफ नेपालले आफ्ना १८ फिल्ड म्यानेजरहरुका लागि एशियामा पहिलो पटक सेल्सफोर्स प्रोफेसनलाइजेशन प्रोग्राम सुरु गरेको छ। यस कार्यक्रमले सेल्स पेशेवरहरूलाई बिभिन्न अवसरहरूको दायरा प्रदान गरेर, उनीहरूको क्यारियरलाई अगाडि बढाउन र विकासको पछि लाग्न समर्थन गर्ने कम्पनीको विश्वास छ ।

यी म्यानेजरहरुले लिम्रा इन्टरनेशनलद्वारा मान्यता प्राप्त एसोसीएट इन्स्योरेन्स सेल्स म्यानेजर (एआइएसएम) प्रमाणीकरण कार्यक्रम पूरा गरेका छन् । यो गोल्ड–स्ट्यान्डर्ड प्रमाणीकरण मेटलाइफको डिस्ट्रिब्युसन एडभान्टेज प्लेटफर्म (दयाप) मार्फत प्रदान गरिएको थियो, जुन एक व्यापक र कठोर प्रशिक्षण प्रणाली हो, जसले सेल्स पेशेवरहरूको सीप र दक्षताहरू अभिवृद्धि गर्न मद्दत गरिरहेको छ ।

यस एआइएसएम प्रमाणीकरण कार्यक्रम यी म्यानेजरहरुको व्यावसायिक यात्रामा महत्त्वपूर्ण उपलब्धि हो। यसले व्यावसायिकताको उच्च स्तर बढाउने, वृद्धि मानसिकता स्थापित गर्ने, र प्रदर्शन व्यवस्थापन र टोली–निर्माण क्षमताहरूलाई बलियो बनाउने लक्ष्य राख्छ । कार्यक्रमले सेल्स म्यानेजरहरूलाई, उनीहरूको टोलीहरूलाई प्रभावकारी रूपमा परिचालन गर्न, एकीकृत र प्राप्त गर्न सकिने लक्ष्यहरू सेट गर्न र नेपाली बीमा उद्योगको प्रतिस्पर्धात्मक परिदृश्यमा आफूलाई फरक पार्न ज्ञान र आत्मविश्वास प्रदान गर्दछ ।

लिम्रा एआइएसएम प्रमाणीकरण कार्यक्रम सम्पन्न भएपछि फिल्ड म्यानेजर रमेश मल्लले भने, “यस्तो अद्भुत अवसर प्रदान गरेकोमा मेटलाइफ डिस्ट्रिब्युसन एकेडेमी र मेटलाइफ नेपाल व्यवस्थापन टोलीलाई धन्यवाद दिन चाहान्छु । कार्यक्रमको सामग्री र वितरण यथार्थपरक थियो र एजेन्सीको अधिक व्यवस्थित सञ्चालनमा मलाई मद्दत गर्नेछ । “

यस कार्यक्रमका फाइदाहरू म्यानेजरहरुका लागि व्यक्तिगत वृद्धिभन्दा बाहिर छन् । उत्कृष्टता र निरन्तर सुधारको संस्कृतिलाई बढावा दिएर, प्रमाणित म्यानेजरहरु आफ्नो टोलीहरूलाई सफलताको लागि नेतृत्व गर्न राम्रोसँग तयार हुनेछन् । अन्ततः उत्कृष्ट प्रदर्शन र ग्राहक सन्तुष्टि बढाएर उनीहरुले आफ्नो टोलीका सदस्यहरूलाई नयाँ उचाइमा पुग्न प्रेरित गर्न सक्छन् ।

लिम्रा एआइएसएम प्रमाणपत्र हस्तान्तरण समारोहमा बोल्दै मेटलाइफ नेपाल एजेन्सीका निर्देशक अनिन्द्रराज श्रेष्ठले भने, “एजेन्सीमा व्यावसायिकता धेरै महत्त्वपूर्ण छ किनभने हाम्रो बीमा उद्योग नेपालजस्तो देशमा विकासको चरण छ यस्तो प्रमाणीकरण कार्यक्रमले हाम्रा एजेन्टहरूलाई आउने दिनहरूमा अझ फस्टाउँन सहयोग गर्नेछ । “