३२ जेठ, २०८१काठमाडौं । एनएमबि लघुवित्त वित्तीय संस्थाले ११औं वार्षिक साधारण सभा असार २१ गते गर्ने भएको छ । सभा होटल बाराही पोखरा, कास्कीमा बिहान साढे ११ बजेदेखि शुरु हुने जनाएको छ । संस्थाको जेठ ३१ गते बसेको सञ्चालक समितिको बैठकले उक्त सभाको मिति तय गरेको हो ।
सभाले सञ्चालक समितिको तर्फबाट अध्यक्षले पेश गर्ने आर्थिक वर्ष २०७९ /८० को वित्तीय विवरण पारित गर्नेछ । लखापरीक्षकको प्र्रतिवेदन, असार मसान्तसम्मको हिसाब विवरण, नगद प्रवाह लगायतका वित्तीय विवरण पारित गर्नेछ ।
सभाले संस्थापक शेयरधनीहरुको तर्फबाट एक जना र सर्वसाधारण शेयरधनीहरुको तर्फबाट दुई जना सञ्चालकहरुको निर्वाचन गर्ने र स्वतन्त्र सञ्चालकको नियुक्ति तथा लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।
संस्थाले साधारण सभा प्रयोजनका लागि कम्पनीले आगामी असार ७ गतेदेखि २१ गतेसम्म बुकक्लोज गर्ने भएको छ।