काठमाडौं । सगरमाथा लुम्बिनी इन्स्योरेन्स (सलिको)ले जुम्लाको पातारासी गाउँपालिकामा कृषि सचेतना कार्यक्रम सम्पन्न गरेको छ । सलिकोको वार्षिक कार्यक्रम अनुसार उक्त कार्यक्रम सम्पन्न भएको छ । कम्पनीको जुम्ला शाखाको आयोजना र प्रदेश कार्यालयको समन्वयमा १ दिने सचेतना कार्यक्रम आज जेठ ८ गते मंगलबार सम्पन्न भएको हो ।

उक्त सचेतना कार्यक्रममा पातारासी गाउँपालिकाका जनप्रतिनिधी र कृषकहरुको उपस्थिती रहेको थियो । कार्यक्रममा कृषि बीमा भनेको के हो ? कसरी गर्ने, बीमा दाबी ? कसरी गर्ने बीमा दाबीको लागि आवश्यक कागजातहरुको बारे लगायतका विषयमा जानकारी दिइएको थियो ।

त्यसैगरी कम्पनीको तर्फबाट बोल्दै कृषि विभाग प्रमुख उमेश ढकालले कृषि तथा पशुपंक्षी बीमालाई कम्पनीले ग्राहयता दिएको र कृषकहरुको हितमा कम्पनीले काम गरिरहेको तथा आगामी दिनमा कृषकहरुलाई मर्का पर्न नदिने प्रतिवद्धता समेत व्यक्त गरेका छन् ।

सचेतना कार्यक्रममा पातारासी गाउँपालिकाका प्रमुख पूर्णसिंह बोहोरा, प्रमुख प्रशासकिय अधिकृत लोकबहादुर रावल, कम्पनीका सहायक प्रबन्धक सुजन खकुरेल, प्रदेश प्रमुख विनित पौडेल र कृषि विभाग प्रमुख उमेश ढकाल सहित वडाअध्यक्षहरुको उपस्थिती रहेको थियो ।

कार्यक्रममा पातारासी गाउँपालिकाका विभिन्न वडाबाट ४० जना कृषकहरुको सहभागिता रहेको सलिको जुम्ला शाखा प्रमुख लोकेन्द्र न्यौपानेले बताए ।