आर्थीकसंसार संवाददाता२६ वैशाख, २०८१
२६ वैशाख, २०८१काठमाडौं । आइएमई लाइफ इन्स्योरेन्स कम्पनी लिमिटेडको गोंगबु शाखाले वैशाख२५ गते एक कार्यक्रमको बीच आफ्नो बीमितलाई मृत्यु दाबी भुक्तानी गरेको छ। कम्पनीका बिमित ईश्वरीपुर नगरपालिका वडा नं ०४, सर्लाहीका रामचन्द्र महरा चमारको असामाहिक मृत्यु भएकोले उनको श्रीमती राम सोनारी देवी चमारलाई मृत्यु दाबी भुक्तानी बापतको रकम प्रदान गरेको हो।
उक्त कार्यक्रममा टोखा नगरपालिका वडा नं ०९ का वडा अध्यक्ष राम भक्त घिमिरे र कम्पनीको बाग्मती प्रदेशका प्रदेश प्रमुख चन्द्र प्रसाद भट्टराईद्वारा संयुक्त रुपमा मृतकको श्रीमतीलाई १० लाख ७८ हजार रुपौयाँ दाबी भुक्तानी प्रदान गरिएको हो।
दाबी भुक्तानी कार्यक्रममा समाजसेवी राजन भुजेल, कम्पनीको गोंगबु शाखा प्रमुख हिमाल सिवाकोटी लगायत, अन्य कर्मचारीहरु, अभिकर्ताहरु तथा स्थानीय महानुभावहरुको उपस्थिती रहेको थियो।
