१९ चैत, २०८०काठमाडौं । रिलायबल नेपाल लाइफ इन्स्योरेन्सको स्याङ्जास्थित वालिङ शाखाले मृत्युदाबी वापतको दाबी भुक्तानी गरेको छ । स्याङ्जाको गल्याङ नगरपालिका वडा न ७ पेलाकोट मनहरीखर्क वडा सभाहलमा आयोजित एक कार्यक्रमका बिच उक्त शाखाले सो रकम हस्तान्तरण गरेको हो ।
सोही स्थानका स्व. अन्जना सापकोटाले खरिद गरेको १० लाख बीमांकको रिलायबल समुन्नति जीवन बीमा योजना अन्तर्गत मृत्यु दाबी भुक्तानी रकम रु १० लाख ४० हजार उनका श्रीमान नेत्रलाल सापकोटा सहित परिवारलाई हस्तान्तरण गरेको हो ।
सो कार्यक्रममा गल्याङ नगरपालिका वडा नं. ७ का वडा अध्यक्ष झबिलाल पाण्डे, रिलायबल लाइफ इन्स्योरेन्सका वरिष्ठ एजेन्सी म्यानेजर रामु शर्मा सापकोटाले बिमाको फाइदा र यसले समाजमा खेलेको सकारात्मक भूमिकाका बारेमा जानकारी दिएका थिए ।
वडाध्यक्ष पाण्डेले बीमाको महत्व र आवश्यकतालाई मध्यनजर गर्दै यसको दायरा थप फराकिलो बनाउन आवश्यक रहेको बिचार व्यक्त गरे । पालिका भित्रका टोल टोलसम्म बिमाको पहुँच पुर्याउनु पर्ने भन्दै उनले सो अभियानमा सहकार्य गर्न वडा कार्यालय सॅंधै तत्पर रहेको बताए ।
कार्यक्रममा अन्य जनप्रतिनिधि, समाजसेवी सहित दर्जनौं स्थानीयहरुको उपस्थिति रहेको थियो ।
