आर्थीकसंसार संवाददाता६ चैत, २०८०
६ चैत, २०८०काठमाडौं । साबिकका गुराँस लाइफ र युनियन लाइफ इन्स्योरेन्स कम्पनीको बोनस शेयरमा लाग्ने करबापतको रकम जम्मा गर्न शेयरधनीहरुलाई आग्रह गरिएको छ।
मर्जरपछि बनेको हिमालयन लाइफ इन्स्योरेन्सले आज एक सूचना जारी साबिकका ती दुवै कम्पनीको बोनस शेयरमा लाग्ने करबापतको रकम जम्मा गर्न शेयरधनीहरुलाई आग्रह गरेको हो। साबिकको गुराँस लाइफ र युनियन लाइफले आर्थिक वर्ष २०७७/७८ को मुनाफाबाट क्रमशः १३.२७ प्रतिशत र ८.९७ प्रतिशत वितरण गरेका थिए।
कर रकम जम्मा भएपछि मिलान गरी सो बोनस शेयर शेयरधनीहरुको हितग्राही खातामा जम्मा गरिने कम्पनीले जनाएको छ। बोनस शेयरमा लाग्ने करको विवरण कम्पनीको शेयर रजिस्ट्रार प्रभु क्यापिटलको वेबसाइटमा हेर्न सकिने व्यवस्था गरिएको छ।
