आर्थीकसंसार संवाददाता८ फागुन, २०८०
८ फागुन, २०८०काठमाडौं । विगत ८ महिनादेखि बन्द रहेको राधी साना जलविद्युत आयोजना पुनः सञ्चालनमा आएको छ । गत असार २२ गतेबाट बन्द भएको उक्त आयोजना फागुन ६ गतेबाट पुनः सञ्चालनमा आएको हो ।
राधी विद्युत कम्पनीद्धारा प्रवद्र्धित ४.४ मेगावाटको उक्त आयोजनामा गत असारबाट अविरल रुपमा भइरहेको वर्षाका कारणले राधी खोलामा बाढी र पहिरो आएको थियो । जसकाकारण राधी साना जलविद्युत आयोजनाको हेडवर्कस् र हेडरेस पाइपमा क्षति पुगेको र काबु बाहिरको परिस्थिति सिर्जना भएकोले उक्त आयोजना उत्पादन बन्द भएको थियो ।
जसको समाधान भएससँगै उक्त आयोजनाबाट फागुन ६ गते दिउँसो ४ बजेबाट पुनः उत्पादन सुरु भएको छ ।
