आर्थीकसंसार संवाददाता१३ माघ, २०८०
१३ माघ, २०८०काठमाडौं । एशियन लाइफ इन्स्योरेन्सको शाखा कार्यालय जनकपुरधामले बीमितको घरदैलोमै पुगेर मृत्यु दाबी भुक्तानी गरेको छ । कम्पनीका जनकपुर शाखाका शाखा प्रबन्धक दिपेन्द्र कुमार महतोले बीमितको छोरी तथा इच्छाएको व्यक्ति लालमुनी कुमारीलाई दाबी भुक्तानी हस्तान्तरण गरेका हुन् । कम्पनीले दाबी रकम वापतको १ लाख ५६ हजार १६७ रुपैयाँ वापतको चेक हस्तान्तरण गरेको हो ।
गत कार्तिक ५ गते गते महोत्तरीको रामगोपालपुर न.पा. वडा नं. ०७ , सहसैलामा छातीमा समस्या भई उपचार गराउन बाहिर जान तयारी गर्ने क्रममा आफनै निजि निवासमा बीमितको मृत्यु भएको थियो । बीमितले रु.१ लाख रुपैयाँको बीमा गराएका थिए ।
