१२ पुष, २०८०काठमाडौं । हिमालयन लाइफ इन्स्योरेन्स लिमिटेड दुलेगौंडा शाखाले मृत्यु दाबी भुक्तानी गरेको छ । कम्पनीले एक कार्यक्रमबीच तिलोतमा २, रुपन्देही बस्ने बीमित स्व.मिलन थापाको हकवाला श्रीमती बुद्धिमाया थापालाई दुलेगौंडा शाखा प्रमुख ओमकार नागिलालेले मृत्यु दाबी बापतको ३ शर्तका ३ वटा चेक मार्फत १४ लाख ५५ हजार रुपैयाँको चेक हस्तान्तरण गरेका हुन् ।
बीमित स्व.मिलन थापाले २०७७ सालमा हिमालयन लाइफ इन्स्योरेन्सको साबधिक जीवन बीमालेखको १ लाख र जीवन उपहार बीमालेखको ६ लाखको पोलिसी खरिद गरेका थिए । बीमा गरेको ३ बर्षमै निजको मृत्यु भए पछि बीमितको हकवालालाई सावधिक बीमाको बीमाङक रकम र बोनश बापत आउने रकम, जीवन उपहार बीमा र सहायक बीमालेखको बीमाङक साथै सो बापतको बोनश र बीमालेखको सर्तमा प्राप्त हुने एडिभी मार्फत प्राप्त हुने रकम समेत गरि कुल १४ लाख ५५ हजार रुपैयाँ रकम हस्तान्तरण गरिएको हो ।
चेक हस्तान्तरण कार्यक्रममा बोल्दै दुलेगौंडा शाखा प्रमुख ओमकार नागिलाले आजको दिनमा जीवन बिमा अनिवार्य रहेकोले सबै जनाले आफ्नो आर्थिक स्थित अनुसार केही रकम बीमाको लागि छुट्टाउनुपर्नेमा जोड दिए ।
मृतक बिमितको श्रीमती बुद्धिमाया थापाले जीवन बीमाको महत्व अति नै रहेको साथै दुखमा साथ दिने बीमा मात्र भएको भन्दै पुनः रु ५ लाखको जीवन उपहार बीमालेख खरिद गरेकी छिन् । सो बीमाङ्क बराबरको सहायक बीमालेख गरि निजले १० लाखको बीमा सोही अवसरमा गरिन् ।