८ पुष, २०८०काठमाडौं । सिटिजन लाइफ इन्स्योरेन्स कम्पनी लिमिटेडले घातक रोग र मृत्यु वापतको बीमा दाबी भुक्तानी गरेको छ । कम्पनीको विजुवार शाखाले घातक बापत र मृत्यु बापत १० लाख र १४ लाख रुपैयाँ बीमितहरुलाई हस्तान्तरण गरेको हो ।
शनिवार सिटिजन लाइफ इन्स्योरेन्स कम्पनीको विजुवार शाखाले एक कार्यक्रम गरी प्युठान नगरपालिका २ साढेखोला निवासी स्तन क्यान्सर पिडित तुलसा कुवरलाई र झिमरुक गाउँपालिका २ बादिकोट निवासी जयाँन्ता एम्सीले बैदेशीक रोजगार सम्बन्धि विमा गरेको अहिले एम्सीको मृत्यु हुदा प्युठान नगरपालिका २ का वडा अध्यक्ष मोहोन सिंह बिष्ट , ४ न.को वडा अध्यक्ष रेशम कार्की , क्षेत्रिय शाखा प्रबन्धक लक्ष्मण मरासिनी तथा लिडरहरुका उपस्थितिमा उक्त रकम हस्तान्तरण गरेको विजुवार शाखा प्रमुख दिनेश कार्कीले जानकारी दिए ।
त्यस्तै झिमरुक गाउपालिका २ बाधिकोट निवासी जयान्त एमसीको श्रीमान रोजगारको लागी विदेश जादा बैदेशिक स्वरोजगार सम्बन्धि बीमा गरेका थिए । उनको मृत्यु दाबी बीमा प्रतिनिधित्व उर्मिला एमसीलाई हस्तान्तरण गरेको सिटिजन लाइफ इन्स्योरेन्स विजुवार शाखाले जनाएको छ ।
क्षेत्रीय शाखा प्रवन्धक लक्ष्मण मरासिनीले सिटिजन लाइफ इन्स्योरेन्सले कम्पनीको अतिरिक्त सुविधामार्फत एउटा मात्र रोगको लागी नभई २० घातक रोगहरुको लागी बिना बिल नै ५० लाख सम्मको उपचार खर्च कम्पनीले दिने र नेपालमै पहिलो पटक सेवा दिने गरी कम्पनीले धेरै क्षेत्रमा काम गरिरहेको बताए ।
बीमित तुलसा कुवरले बिना झन्झट सिटिजन लाइफ इन्स्योरेन्स कम्पनीबाट प्राप्त रकमले उपचारमा धेरै आर्थीक सहयोग र हौसला प्राप्त भएको बताउँदै सिटिजन लाइफलाई धन्यवाद ज्ञापन गरिन् । साथै उनले उपस्थित समयमा नै बीमा गर्ने सल्लाह समेत दिइन् ।
कार्यक्रममा बोल्दै अध्यक्ष विष्टले आर्थिक जोखिमको सुरक्षाको लागि जीवन बीमा अपरिहार्य रहेकोले आफ्नो क्षमता अनुसारको बीमा गर्नुपर्ने बताए । साथै २ नं वडावासीहरुलाई पनि बीमा सम्बन्धि जनचेतना फैलाउने समेत अध्यक्ष बिष्टले भनाई राखेका थिए ।
त्यस्तै ४ नं वडाअध्यक्ष रेशम कार्कीले पनि बीमा सम्बन्धि आर्थिक अवस्थामा बलियो रहेको थाहा भएको र गराएको बताउदै अवको समयमा न्युन अवस्थामा रहेको वडाबासीहरुलाई पनि पहल गर चेतना गराउने बताएका छन ।
कार्यक्रममा क्षेत्रीय शाखा प्रवन्धक लक्ष्मण मरासिनी, बिजुवार शाखा प्रबन्धक दिनेस कार्की , सिटिजन स्टार, एजेन्सी म्यानेजर लगायत अन्य एजेन्सीहरुको उपस्थिती रहेको थियो ।
