आर्थीकसंसार संवाददाता३ पुष, २०८०
३ पुष, २०८०काठमाडौं । नबिल बैंक लिमिटेडको ऋणपत्रमा आवेदन दिने आज पुस ३ गते अन्तिम दिन रहेको छ।
बैंकले गत मंसिर २९ गतेबाट ३ अर्ब रुपैयाँबराबरको ऋणपत्रमा आवेदन खुला गरेको थियो। यो ऋणपत्रमा लगानीकर्ताले आज बैंकिङ समयसम्म आवेदन दिन पाउनेछन्।
सर्वसाधारणलाई छुट्याइएको १२ लाख इकाइमध्ये ५ प्रतिशत अर्थात् ६ करोड रुपैयाँबराबरको ६० हजार इकाइ सामूहिक कोषका लागि समावेश गरिएको छ । सर्वसाधारणले न्यूनतम २५ इकाइदेखि अधिकतम १२ लाख इकाइसम्म लगानी गर्न सक्नेछन्।
यो ऋणपत्रमा लगानीकर्ताले नेपाल धितोपत्र बोर्डबाट अनुमति प्राप्त सी–आस्बा सेवामा सहभागी बैंक तथा वित्तीय संस्था र सीडीएससीको मेरो शेयरबाट खरिद आवेदन दिन सक्नेछन्।
यो ७ वर्षे ऋणपत्रमा लगानीकर्ताले वार्षिक ९ प्रतिशत ब्याजदर पाउनेछन्। नबिल बैंकको यो ऋणपत्रको बिक्री प्रबन्धकमा कुमारी क्यापिटल रहेको छ।