आर्थीकसंसार संवाददाता७ मंसिर, २०८०
७ मंसिर, २०८०काठमाडौं । पछिल्लो १ वर्षको अवधिमा मोबाइल बैंकिङ प्रयोगकर्ता साढे १६ प्रतिशत बढेका छन्।
नेपाल राष्ट्र बैंकले आज सार्वजनिक गरेको तथ्यांकअनुसार चालु आर्थिक वर्षको असोजसम्म मोबाइल बैंकिङ प्रयोगकर्ताको संख्या २ करोड २२ लाख ८४ हजार ६२२ पुगेको छ। अघिल्लो वर्ष असोजसम्म यो संख्या १ करोड ९१ लाख २ हजार ६५२ थियो।
इन्टरनेट बैंकिङ प्रयोगकर्ताको संख्या भने ६.४५ प्रतिशतले घटेर यो वर्षको असोजसम्म १६ लाख २५ हजार ९ मा झरेको छ। अघिल्लो वर्ष असोजसम्म इन्टरनेट बैंकिङ प्रयोगकर्ताको संख्या १७ लाख ३७ हजार ८०३ थियो।
