आर्थीकसंसार संवाददाता१३ असोज, २०८०
१३ असोज, २०८०काठमाडौं । लाइफ इन्स्योरेन्स कम्पनी नेपालले बीमितको सहमति बेगर बीमालेख धितोमा कर्जा जारी भएको विषयमा केही संचारमाध्यमबाट भ्रमपूर्ण समाचार सम्प्रेषण भएको भन्दै ध्यानाकर्षण भएको जनाएको छ।
शुक्रबार सुचना अधिकारी सुदर्शन गिरीले विज्ञप्ति जारी गर्दै कम्पनीको एकजना अभिकर्ताले योजनाबद्धरुपमा बीमितको बीमालेखबाट कर्जा लिई नयाँ बीमालेख खरिद गर्न सो रकम प्रयोग गरेको पाइएको उल्लेख गरेका छन्।
आरोपित अभिकर्ताले अभिकर्ता कर्जा वापतको रकम लामो समयदेखि चुक्ता समेत नगरेको भन्दै एलआइसीले निजको कमिशन र इन्सेटिभवापतको रकम रोक्का गरिएको जानकारी दिएको छ। साथै निजलाई बीमालेख कर्जा वापतको रकम दुरुपयोग गर्न सघाएकोमा संलग्न कर्मचारीसँग स्पष्टीकरण मागेर कमपनीले प्रचलित कानून बमोजिमको आवश्यक कारवाही भइरहेको समेत सूचना अधिकारी गिरीले विज्ञप्तिमार्फत् जानकारी दिएका छन्।