३० साउन, २०८०काठमाडौं । सूर्योदय वोमी लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ । विवरण अनुसार लघुवित्तको खुद नाफा अघिल्लो आर्थिक वर्षको सोही अवधिको तुलनामा घटेको छ ।
गत आर्थिक वर्षको अन्त्यसम्ममा लघुवित्तले ७ करोड ९७ लाख रुपैयाँ खुद नाफा कमाएको छ । अघिल्लो आर्थिक वर्षको सोही अवधिको तुलनामा ४२.९० प्रतिशत कम हो। अघिल्लो आर्थिक वर्षको सोही अवधिसम्ममा लघुवित्तले १३ करोड ९६ लाख रुपैयाँ खुद नाफा कमाएको थियो ।
९१ करोड ७ लाख रुपैयाँ चुक्ता पूँजी रहेको यस लघुवित्तको जगेडा कोषमा एक अर्ब २२ करोड ३५ लाख रुपैयाँ सञ्चित छ । यस अवधिसम्ममा लघुवित्तले ४ अर्ब ५४ करोड ८४ लाख लाख निक्षेप तथा सापटीबाट १० अर्ब ४ करोड ५६ लाख रुपैयाँ कर्जा लगानी गरेको छ ।
नाफासँगै लघुवित्तको प्रतिशेयर आम्दानी पनि घटेको छ । यस अवधिमा लघुवित्तको प्रतिशेयर आम्दानी १७ रुपैयाँ ६३ पैसाबाट घटेर ८ रुपैयाँ ७५ पैसा कायम भएको छ । असार मसान्तसम्ममा लघुवित्तको प्रतिशेयर नेटवर्थ २५५ रुपैयाँ २४ पैसा रहेको छ ।