काठमाडौं । सामाजिक सुरक्षा काेषले चालू आर्थिक वर्षमा याेगदानकर्तालाई दिने ब्याज दरमा वृद्धि गरेकाे छ। काेष सञ्चालक समितिकाे बैठककाे निर्णय अनुसार साउन १ गतेदेखि लागू हुने गरी ब्याज दर वृद्धि गरेकाे हाे ।
वृद्धा अवस्थामा सुरक्षा याेगदानमा वार्षिक ७‍.५ प्रतिशत,  अवकाश काेषकाे विशेष सापटी कर्जामा ८.६ प्रतिशत, धिताेमा आधारित कर्जामा ९‍.२५ प्रतिशत र सापटीमा किस्ताकाे म्याद नाघेमा हर्जाना ब्याज १ प्रतिशत लाग्ने घाेषणा काेषले गरेकाे छ।
यसअघि घर र शैक्षिक सापटीको ब्याजदर ९.७५ र विशेष सापटीका लागि ९.१ प्रतिशत ब्याजदर रहेकाे थियाे।
सामाजिक सुरक्षा कोष लगानी कार्यविधि-२०७७’  कार्यविधि अनुसार सामाजिक सुरक्षा कोषले याेगदानकर्तालाई १२ किसिमका कर्जा तथा सापटी सुविधा दिइरहेकाे छ । कोषका अनुसार अवकास योजनामा योगदानकर्ताले जम्मा गरेको रकमको ८० प्रतिशतसम्म रकम सापटी दिइने प्रावधान छ । तर सापटी लिनका लागी कम्तीमा ३ वर्ष काेषमा याेगदान गरेकाे हुनुपर्छ ।
कोषका अनुसार ५० हजार रुपैयाँ वा योगदान रकमको ८० प्रतिशतसम्म को रकमका जुन रकम बढी हुन्छ, त्यसकै आधारमा सापटी प्रदान गरिने प्रावधान छ । श्रमिक र रोजगारदाताबाट जम्मा हुने पारिश्रमिकको ३१ प्रतिशतमध्ये २८.३३ प्रतिशतभित्रबाट अवकाशतर्फको हिस्सा छुट्ट्याएर सापटी वितरणका लागी काेष खडा गरेकाे छ।