काठमाडौं। नेपाल पावर एक्सचेन्ज (नेपेक्स)को अध्यक्षमा कृष्ण आचार्य चयन भएका छन्। सञ्चालक समितिको शुक्रबारको बैठकले आचार्यलाई सर्वसम्मतिले अध्यक्ष चयन गरेको हो ।
आशिष गर्ग प्रबन्ध सञ्चालक र उत्तरकुमार श्रेष्ठ, उत्तम ब्लोन लामा, शैलेन्द्र गुरागाँई, मोहन डाँगी संचालक बनेका छन्। करिब तीन महिना अघि भएको साधारण सभाले सञ्चालक समिति छनोट गरेको थियो। सञ्चालकहरुको बैठकले अध्यक्ष चयन गरेको हो। नेपेक्स स्थापना हुँदा शैलेन्द्र गुरागाँई अध्यक्ष थिए । आचार्य स्वतन्त्र ऊर्जा उत्पादकहरुक संस्था (इपान) अध्यक्ष हुन् भने उनको कम्पनी पिपुल्स इनर्जी लिमिटेडले ४८.८ मेगावाटको खिम्ती-२ जलविद्युत आयोजना निर्माण गरिरहेको छ।
नेपेक्स विद्युत व्यापारका लागि स्थापना भएको कम्पनी हो। तर यसले लाइसेन्स पाइसकेको छैन्। ऊर्जा,जलस्रोत तथा सिंचाई मन्त्रालयले लाइसेन्स दिन अध्ययन गरेपनि कानुनी व्यवस्था नरहेको भन्दै रोकेको छ। अहिले विद्युत प्राधिकरणले मात्रै विद्युत व्यापार गर्दै आएको छ।
निजी क्षेत्रले पनि विद्युत व्यापार गर्न पाउनुपर्ने भन्दै कम्पनी दर्ता गरिएको हो। सरकारले विद्युत प्राधिकरणको सहायक कम्पनीलाई भने विद्युत व्यापारको अनुमति दिएको छ। नेपेक्सले भारतीय कम्पनी मणिकरण पावर लिमिटेडसँग निजी क्षेत्रबाट उत्पादित ५०० मेगावाट विद्युत बिक्रीका लागि सम्झौता गरेको छ। तर व्यापारको लाइसेन्स नपाएका कारण कार्यान्वयन हुन सकेको छैन्।
अध्यक्ष आचार्यले विद्युत व्यापारको लाइसेन्स लिनु नै कम्पनीको पहिलो उद्देश्य भएको बताए। ‘लाइसेन्स लिनुपर्छ। आज हामीले मन्त्री ज्युलाई पनि भेटेका छौं। उहाँ सकारात्मक हुनुहुन्छ,’ उनले भने,’कानुनी समस्या कारण लाइसेन्स दिन नमिलेको बताउनुभएको छ। कानुनी प्रक्रिया मिलाएर लाइसेन्स पाउनेमा आशावादी छौं। त्यसपछि निजी क्षेत्र पनि विद्युत व्यापारमा प्रवेश गर्छ।‘
नेपेक्सको अध्यक्षमा आचार्य निर्वाचित
आर्थीकसंसार संवाददाता४ भदौ, २०७९
४ भदौ, २०७९- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह