काठमाडौं । व्यापारिक समूह लक्की ग्रुपले डा. कोइरालाको बाल अस्पताललाई १ करोड रुपैयाँ सहयोग गरेको छ । ग्रुपले व्यवसायीक सामाजिक उत्तरदायीत्व अन्तर्गत बालबालिकाको उपचारको लागी पूर्वाधार निर्माणमा एक करोड रुपैयाँभन्दा बढी सहयोग उपलब्ध गराएको हो ।
लक्की समूहका अध्यक्ष सतिश कुमार मोरले काठमाडौं इन्स्टिच्यूट अफ चाइल्ड हेल्थलाई १ करोड ११ लाख ११ हजार १ सय ११ रुपैयाँ सहयोग राशीको चेक हस्तान्तरण गरेका हुन् । काठमाडौं इन्स्टिच्यूट अफ चाइल्ड हेल्थका अध्यक्ष डा. भगवान कोइरालालाई मोरले चेक हस्तान्तरण गरेका हुन् ।
काठमाडौं इन्स्टिच्यूट अफ चाइल्ड हेल्थले जुनसुकै आर्थिक पृष्ठभूमीका बालबालिकाको लागी उच्चस्तरिय र विशिष्ट सेवा प्रदान गर्नेछ । डा. कोइरालाले अगुवाई गरेको यस बाल अस्पताल बुढानिलकण्ठको हेपाली हाइटमा अवस्थित छ ।