काठमाडौं । हालसम्म विद्युत उत्पादन सुरु नै नगरेको युनिभर्सल पावर कम्पनीले गत आवको चौथो त्रैमाससम्म ५ करोड ७१ लाख ७ हजार रुपैयाँ खुद नाफा गरेको छ । कम्पनीले भदौ १९ गते सार्वजनिक गरेको उक्त विवरणअनुसार अघिल्लो वर्षको सोही अवधिको तुलनामा ९८ प्रतिशत बढी नाफा गरेको हो । अघिल्लो वर्ष उक्त अवधिसम्म कम्पनीले २ करोड ८८ लाख ३८ हजार रुपैयाँ खुद नाफा गरेको थियो ।
युनिभर्सल पावर कम्पनीले दोलखा जिल्लाको तल्लो खारे खोला जलविद्युत आयोजनाबाट ११ मेगावाट क्षमताको निर्माण भइरहेको छ । आयोजना निर्माणको अन्तिम चरणमा रहेको कम्पनीले सार्वजनिक गरेको वित्तीय विवरणमा उल्लेख छ । कम्पनीले यो वाहेक अन्य आयोजना पनि निर्माण गर्ने तयारी गरेको छ । माथिल्लो इङ्खु खोला जलविद्युत आयोजनाको अध्ययन गरिरहेको यस कम्पनीले ४५ मेगावाट क्षमताको कसुवा खोला जलविद्युत आयोजना निर्माण गर्न लगानी गर्ने सम्झौता समेत गरिसकेको बताएको छ ।
अघिल्लो वर्षभन्दा गत वर्ष कम्पनीको अन्य आम्दानी बढेको र खर्च घटेको कारण खुद नाफा बढेको हो । अघिल्लो वर्ष ४ करोड ५६ लाख ९६ हजार रुपैयाँ अन्य आम्दानी गरेको यस कम्पनीले गत वर्ष यो शीर्षकमा ८ करोड ३१ लाख १२ हजार रुपैयाँ आम्दानी गरेको छ । यस कम्पनीले गत वर्ष १४ करोड ४२ लाख ३० हजार रुपैयाँ बराबरको शेयरमा लगानी गरेको छ भने मुद्दती निक्षेपमा ९१ करोड लगानी गरेको छ । यीनै लगानीबाट प्राप्त आम्दानीले कम्पनीको नाफा बृद्धि भएको हो ।
अघिल्लो वर्ष ७२ लाख ४४ हजार रुपैयाँ खर्च गरेको कम्पनीले गत वर्ष ६९ लाख ६८ हजार रुपैयाँ खर्च गरेको छ । गत वर्षको चौथो त्रैमाससम्म कम्पनीको प्रतिशेयर आम्दानी २ दशमलव ७२ रुपैयाँ र प्रतिशेयर नेटवर्थ १०४ दशमलव ८३ रुपैयाँ कम्पनीले उल्लेख बताएको छ ।
युनिभर्सल पावर कम्पनीको नाफा ५ करोडभन्दा बढी
आर्थिकसंसार संवाददाता१९ भदौ, २०७७
१९ भदौ, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- सिटिजन्स बैंकले संचालन गर्यो निःशुल्क स्वास्थ्य शिविर
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह