काठमाडौं । प्रभु लाइफ इन्स्योरेन्स लिमिटेडले आफ्ना सम्पूर्ण शाखा, उप–शाखा, प्रदेश प्रमुखहरु तथा व्यवस्थापन समूहको उपस्थितिमा “अर्ध–वार्षिक व्यवसायिक सम्मेलन” सम्पन्न गरेको छ । उक्त सम्मेलनमा कम्पनीले २०७८ श्रावणदेखि २०७८ फागुनसम्मको व्यवसायिक लक्ष्य तथा प्राप्त उपलब्धिहरुको गहन समिक्षा गरिएको थियो ।
साथै, सम्मेलनमा आगामी दिनहरुमा कम्पनीको व्यवसायिक रणनीति तथा भावी कार्ययोजनाहरुका बारेमा समेत विस्तृत छलफल भई सोही अनुरुप अघि बढ्न उत्प्रेरित गरिएकोे थियो । उक्त कार्यक्रममा हालसम्म उत्कृष्ट व्यवसाय तथा कार्य कुशलतामा अग्रणी शाखा/उप–शाखा प्रमुखहरुलाई पुरस्कार सहित उचित सम्मान गरिएको थियो । यस सम्मेलन पश्चात कम्पनीले आगामी दिनहरुमा उत्कृष्ट व्यवसाय वृद्घि गर्ने विश्वास लिएको जनाएको छ ।