काठमाडौं । नेपाल बैंकले नवलपरासी (बर्दघाट सुस्ता पूर्व) स्थित मध्यविन्दु नगरपालिका वडा नंं ७ चोरमारा बजारमा २१३ औं शाखा संचालनमा ल्याएको छ । अर्थ सचिव एवं नेपाल बैंक संचालक समितिका पूर्व अध्यक्ष मधुकुमार मरासिनी तथा मध्यबिन्दु नगरपालिकाका नगरप्रमुख चन्द्रबहादुर रानाले उक्त शाखाको उद्घाटन गरेका हुन् ।
कार्यक्रममा सचिव मरासिनीले यस क्षेत्रमा नेपाल बैंक लिमिटेडको शाखा स्थापना हुनु स्थानिय स्तरमा आर्थिक बिकासको ढोका खुल्नु भएकाले यस शाखाले स्थानिय जनताहरु विच वित्तीय साक्षरता र वित्तीय पहुँचको वृद्धि गर्ने साथै जनताहरुले पनि बैंकबाट आफु अनुकुलको वित्तीय सेवा लिनुपर्ने र यसरी सरकारी बैंक तथा वित्तीय संस्था खुल्नु मध्यविन्दु नगरपालिका बासीलाई अवसर भएको बताए ।
कार्यक्रमका नगर प्रमुख चन्द्रबहादुर रानाले सरकारी कारोवारका लागि जिल्ला सदरमुकाम कावासोती जानुपर्ने बाध्यता हट्दै यहि नगरपालिका भित्र सरकारी बैंकको रुपमा नेपाल बैंक लिमिटेड स्थापना हुनु नगरबासीका लागि खुशीको कुरा भएको बताए ।
बैंकका प्रमुख कार्यकारी अधिकृत कृण्ण बहादुर अधिकारीले नेपाल बैंक लिमिटेड पूर्व मेचीदेखि पश्चिम महाकाली सम्म पुगी २१३ शाखा विस्तार गरेको छ र आगामी दिनमा ७७ वटै जिल्लामा पुगेर आधुनिक बैकिङ्ग सेवा विस्तार गर्ने बताए । साथै मध्यविन्दु नगरपालिका भित्र आर्थिक विकासको सम्भावना भएको हुँदा यस क्षेत्रका बासिन्दाका लागि नेपाल बैकको स्थापना हुनु अवसर भएको बताए ।
आलसम्म बैंकले २१३ शाखाहरु, १४७ एटिएम, ४९ वटा एक्टेन्सन काउन्टरका साथै बिभिन्न डिजिटल माध्यमहरु मार्फत करिब २० लाख ग्राहकहरुलाई वित्तीय सेवा प्रदान गर्दै आइरहेको जनाएको छ ।
चोरमारा बजारमा नेपाल बैंकको २१३औं शाखा विस्तार
आर्थीकसंसार संवाददाता१३ चैत्र, २०७८
१३ चैत्र, २०७८- सानिमा रिलायन्सले कर्मचारीको ज्ञान र क्षमता विकास गर्न गर्यो प्रशिक्षण कार्यक्रम
- राष्ट्रिय वाणिज्य बैंकद्वारा बाढीपहिरो र डुबानबाट प्रभावित तथा पीडितको सहायताका लागि दुई करोड रुपैंया आर्थिक सहयोग प्रदान
- लाभांश वितरण गर्दै फरवार्ड माइक्रोफाइनान्स
- ज्योति विकास बैंकका ग्राहकलाई चितवनको जंगल भिल्ला रिसोर्टमा छुट
- सन नेपाल लाइफ इन्स्योरेन्सको लगनखेल शाखा स्थानान्तरण
- बाढी-पहिरो पीडितलाई सहयोग गर्न एमाले सांसदहरूले आधा महिनाको पारिश्रमिक दिने
- नख्खु बाढीमा पसी बगाएकालाई बचाउने तामाङलाई प्रभु महालक्ष्मी लाइफको सम्मान
- मजदुरबाट आफ्नै सफारीको मालिक बने १० परिवार
- आईसीएफसी फाइनान्सका ग्राहकलाई बुद्ध एयरमा आकर्षण छुट
- सिटिजन लाइफका कर्मचारीलाई व्यक्तित्व विकास तालिम