काठमाडौं । एशियन लाइफ इन्स्योरेन्स कम्पनीले चालु आर्थिक वर्षको दोस्रो त्रैमाशिक अवधिमा खुद बीमा शुल्क आर्जन ८.२१ प्रतिशतले बढाउन सफल भएको छ । कम्पनीले तीन अर्ब ३९ करोड रुपैयाँ बीमा शुल्क आर्जन गरेको छ । गत वर्षको यहि अवधिमा तीन अर्ब १३ करोड रुपैयाँ थियो ।
बीमा शुल्कमा सुधार देखिए पनि मुनाफा भने १८ प्रतिशतले घटेको छ । कम्पनीले ६ महिनाको अवधिमा १४ करोड ४२ लाख रुपैयाँ मुनाफा आर्जन गरेको छ । गत वर्षको यहि अवधिमा १७ करोड ६० लाख रुपैयाँ थियो ।
कम्पनीको दाबी भुक्तानीमा पनि उल्लेख्य बृद्धि भएको छ । कम्पनीले समिक्षा अवधिमा ७६ करोड ८४ लाख रुपैयाँको दाबी भुक्तानी गरेको छ । गत वर्षमा ४२ करोड ७६ लाख रुपैयाँ थियो ।
एशियन लायफले यस वर्ष अभिकर्ताहरुलाई ४३ करोड ३२ लाख रुपैया कमिशन दिएको छ । गत वर्षको यहि अवधिमा ३८ करोड ६९ लाख रुपैयाँ दिएको छ । यस वर्ष कुल बीमा शुल्क आर्जन तीन अर्ब ४६ करोड रुपैयाँ आर्जन गर्न सफल कम्पनीले हालसम्म भने ३३ अर्ब रुपैयाँ संकलन गरिसकेको छ । कम्पनीमा हाल कु कायम रहेको बीमालेखको संख्या भने तीन लाख ४५ वटा छ ।
चुक्ता पूँजी २ अर्ब एक करोड रुपैयाँ रहेको कम्पनीको प्रतिशेयर आम्दानी भने १४ रुपैयाँ छ । जगेडा कोषमा ९६ करोड ३२ लाख रुपैयाँ जम्मा भएको छ ।