News Portal

  • प्रभु लाइफको खुद बीमा शुल्क आर्जनमा उल्लेख्य सुधार

    आर्थीकसंसार संवाददाता२८ माघ, २०७८
    ३९१ पटक
    २८ माघ, २०७८

    काठमाडौं । प्रभु लाइफ इन्स्योरेन्स कम्पनीको सम्पूर्ण सूचकमा उल्लेख्य सुधार देखिएको छ । कम्पनीले चालु आर्थिक वर्षको ६ महिनाको अवधिमा खुद बीमा शुल्क आर्जन ६४.६३ प्रतिशतले बढाउन सफल भएको छ । कम्पनीले पुस मसान्तसम्ममा एक अर्ब रुपैया आर्जन गरेको छ । जवकी गत वर्षको यही अवधिमा जम्मा ६० करोड ९९ लाख रुपैयाँ थियो ।
    दाबी भुक्तानीमा पनि उल्लेख बृद्धि भएको छ । कम्पनीले समिक्षा अवधिमा ९ करोड ५५ लाख रुपैयाँको खुद दाबी भुक्तानी गरेको छ भने गत वर्षको यहि अवधिमा एक करोड १३ लाख रुपैयाँ मात्रै थियो ।
    कम्पनीको मुनाफामा भने २३.४२ प्रतिशतले गिरावट आएको छ । पुस मसान्तसम्ममा कम्पनीले ६ करोड १९ लाख रुपैयाँ मुनाफा आर्जन गरेको छ । गत वर्षको यहि अवधिमा ८ करोड ८ लाख रुपैयाँ थियो । बीमा शुल्क आर्जनमा भएको बृद्धि सँगै अभिकर्ता कमिशनमा पनि उल्लेख्य बृद्धि भएको छ । कम्पनीले अभिकर्ताहरुलाई १७ करोड ६६ लाख रुपैयाँ खर्चिएको छ । गत वर्ष यस्तो कमिशन ९ करोड ९५ लाख रुपैयाँ मात्रै थियो । कम्पनीले हालसम्म ४ अर्ब २९ करोड रुपैयाँ बीमा शुल्क आर्जन गरेको छ ।
    व्यवसायम बृद्धि सँगै जीवन बीमा कोष ८० प्रतिशतले बढेको छ । यस्तो कोषमा २ अर्ब ६० करोड रुपैयाँ जम्मा भएको छ । कम्पनीको चुक्ता पूँजी २ अर्ब रुपैयाँ रहेको छ भने जगेडा कोषमा ४१ करोड ९९ लाख रुपैयाँ जम्मा भएको छ ।

    प्रतिकृया दिनुहोस्