काठमाडौं । ग्लोबल आइएमई बैंकले चालु आर्थिक वर्षको पहिलो ६ महिनामा साढे २ अर्ब बढी नाफा कमाएको छ । बैंकले प्रकाशित गरेको दोस्रो त्रैमाससम्मको अपरिष्कृत वित्तीय विवरण अनुसार बैंकले २ अर्ब ६६ करोड रुपैयाँ खुद नाफा आर्जन गरेको हो ।
जुन अघिल्लो आर्थिक वर्षको तुलनामा बढी हो । बैंकले अघिल्लो आवको दोस्रो त्रैमास अर्थात पुस मसान्तसम्ममा २ अर्ब ३१ करोड रुपैयाँ खुद नाफा कमाएको थियो ।
समीक्षा अवधिमा बैंकको सञ्चालन नाफा पनि १३.५७ प्रतिशतले बढेर ३ अर्ब ६७ करोड रुपैयाँ पुगेको छ । त्यस्तै, खुद ब्याज आम्दानी सामान्य बढेर ४ अर्ब ७९ करोड रुपैयाँ पुगेको छ ।
त्यस्तै, चालु आवको पुससम्ममा बैंकको वितरण योग्य मुनाफा १ अर्ब ४८ करोड ५६ लाख रुपैयाँ रहेको छ । जुन गत आवको सोही अवधिमा १ अर्ब ४३ करोड रुपैयाँ थियो ।
खुद नाफासँगै बैंकको प्रतिसेयर आम्दानी (ईपीएस) पनि बढेको छ । अघिल्लो आवको पुससम्म २१.४० रुपैयाँ रहेको बैंकको प्रतिसेयर आम्दानी चालु आवमा बढेर २२.३९ रुपैयाँ पुगेको छ । त्यस्तै, प्रतिसेयर नेटवर्थ बढेर १४४.९७ रुपैयाँ र पीई रेसियो घटेर १४.५६ गुणा रहेको छ ।
हाल बैंकको चुक्ता पुँजी २३ अर्ब ७९ करोड रुपैयाँ छ । जुन २०७७ पुस मसान्तसम्मको तुलनामा १० प्रतिशतले बढी हो । त्यस्तै जगेडा कोषको आकार भने ३.४९ प्रतिशतले घट्न पुगेको छ । अघिल्लो वर्ष ११ अर्ब ८ करोड रुपैयाँ सञ्चित रहेको बैंकको जगेडा कोषमा हाल १० अर्ब ७० करोड रुपैयाँ रहेको छ ।
समीक्षा अवधिमा बैंकको निक्षेप १.२९ प्रतिशतले बढेर २ खर्ब ७१ अर्ब रुपैयाँ पुगेको छ भने कर्जा १२.१५ प्रतिशतले बढेर २ खर्ब ५६ अर्ब रुपैयाँ छ ।
ग्लोबल आइएमई बैंकले कमायो साढे २ अर्ब बढी नाफा
आर्थीकसंसार संवाददाता७ माघ, २०७८
७ माघ, २०७८- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- सिटिजन्स बैंकले संचालन गर्यो निःशुल्क स्वास्थ्य शिविर
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह