काठमाडौं । एभरेष्ट बैंकले भक्तपुर सिसिटिभी जडान समितिलाई १ लाख आर्थिक सहयोग गरेको छ ।
बैंकका सञ्चालक समितिका सदस्य नवीन भक्त श्रेष्ठले भक्तपुर सिसि टिभी जडान समितिका सचिव पदम लाल सिलाकारलाई उक्त रकम हस्तानतरण गरेको हो ।
पौराणिक कला संस्कृति तथा पौराणिक महत्वले भरिपूर्ण जिल्ला भक्तपुरको समग्र शान्ति सु–व्यवस्था चुस्त दुरुस्त तथा प्रविधिमैत्री बनाउने उद्देश्यले गठित भक्तपुर सिसिटिभी जडान समितिलाई बैंकले सहयोग गरेको हो ।
एभरेष्ट बैंक, पंजाब नेशनल बैंकसँग संयुक्त उद्यममा हालसम्म लाखौं सन्तुष्ट ग्राहकहरु आवद्ध छन् । देशैभरि छरिएर रहेको आफ्नो १०५ शाखा संजाल, १३८ एटिएमसहित विश्वव्यापी नेटवर्कबाट अत्याधुनिक मोबाईल र इन्टरनेट र एसएमएस बैंकिङ्ग सुविधा प्रदान गर्दै आइरहेको छ । यस बैंकले नेपाल सरकारको राजश्व संकलनको लागि ३१ वटा संकलन केन्द्रबाट समेत सेवा दिँदै आइरहेको छ ।