News Portal

  • कामना सेवा फुटसल कप २०२१ सुरु

    आर्थीकसंसार संवाददाता९ पुष, २०७८
    १०९६ पटक
    ९ पुष, २०७८

    काठमडौं । पहिलो ‘कामना सेवा फुटसल कप–२०२१’ को उद्घाटन सम्पन्न भई लिग चरणका खेलहरु सुरु भएका छन् । ‘स्वस्थ शरीर स्वस्थ मस्तिष्क’ भन्ने मर्मका साथ कामना सेवा विकास बैंकले पौष ९ र १० गते आयोजना भएको प्रतियोगिता काठमाडौं महानगरपालिका ४ हाँडीगाउँस्थित धन्यन्तरी फुटसल खेल मैदानमा युवा तथा खेलकुदमन्त्री महेश्वरजंग गहतराजले उद्घाटन गरेका हुन् ।
    बैंकका अध्यक्ष सुदिप आचार्यको अध्यक्षतामा सम्पन्न उक्त कार्यक्रममा केटिएम सिटीका प्रमुख कार्यकारी अधिकृत निमा शेर्पा, बैंकका नि. प्रमुख कार्यकारी अधिकृत हरिप्रसाद लम्साल, एन्फाका प्रतिनिधि लगायत उपस्थित थिए ।
    प्रतियोगितामा विभिन्न बैंक तथा वित्तीय संस्था र बीमा कम्पनीहरु समेत गरी २४ वटा टिम सहभागी भएका छन् । २४ वटा टिमलाई ६ समूहमा विभाजन गरिएको छ ।
    समूह एमा कामना सेवा विकास बैंक (हरियो), राष्ट्रिय बीमा संस्थान, सांग्रिला डे बैंक र कुमारी बैंक, समूह बिमा नेपाल राष्ट्र बैंक, प्रभु बैंक, गरिमा विकास बैंक र मुक्तिनाथ विकास बैंक, समूह सिमा नेपाल इन्भेष्टमेण्ट बैंक, एभरेष्ट बैंक, हिमालयन बैंक र सिटिजन्स बैंक, समूह डि बेष्ट फाइनान्स, रिलायन्स फाइनान्स, ज्योति विकास बैंक र शाइन रेसुङ्गा डे बैंक, समूह इमा मेगा बैंक, बैंक अफ काठमाण्डू, लुम्बिनी विकास बैक र प्रिमियर इन्स्योरेन्स कम्पनी रहेका छन भने समूह एफ मा कामना सेवा विकास बैंक (निलो), माछापुच्छ्रे बैंक, महालक्ष्मी विकास बैंक र सिद्धार्थ बैंक रहेका छन् । उक्त प्रतियोगितामा एन्फा फुटबल कमिटिले रेफ्रिहरु उपलब्ध गराउनुका साथै खेल सम्पन्न गर्नको लागि सहजीकरण समेत गरेको छ ।

    प्रतिकृया दिनुहोस्