काठमाडौं । एक्सेल डेभलपमेन्ट बैंकको १५औं वार्षिक साधारणसभाले सर्वसाधारण शेयरधनीहरुको तर्फबाट तीन सञ्चालक निर्विरोध निर्वाचित भएका छन् । सभाबाट पर्शुराम दाहाल, परुषोत्तम लम्साल र पेशलराज पोखरेल सञ्चालक पदमा निर्वाचित भएका हुन् ।
असोज १६ गते बैंकको १५औं साधारणसभा सिद्धार्थ होटल विर्तामोड झापामा सम्पन्न भएको छ । सभाले चुक्ता पुँजीको १२ प्रतिशत बोनश शेयर वितरण गर्ने प्रस्ताव पनि पारित गरेको छ । उक्त बोनश शेयर भदौ ३१ गतेसम्म कायम शेयरधनीहरुले प्राप्त गर्ने छन् । साधारणसभा प्रयोजनका लागि असोज १ गतेदेखि १६ गतेसम्म बुक क्लोज गरिएको थियो ।