काठमाडौं । राष्ट्रिय वाणिज्य बैंक र नेपाल बैंक हिमालयन रि इन्स्योरेन्स कम्पनीको एक अर्ब रुपैयाँको सेयर किनेका छन् । दुबै बैंकले ५०÷५० करोड रुपैयाँ बराबरको सेयर किनेका हुन् ।
ग्लोबल आईएमई, प्रभु, एनआईसी एशियालगायत बैंकहरुले नेपाल पुनर्बीमा कम्पनीको सेयरमा ठूलो लगानी गरेपछि नेपाल बैंक र राष्ट्रिय वाणिज्य बैंकले पनि नयाँ पुनर्बीमा कम्पनीको सेयरमा ठूलो लगानी गरेका हुन् ।
हिमालयन रि इन्स्योरेन्स कम्पनीमा ११० जना व्यक्ति तथा कम्पनीले ७ अर्ब रुपैयाँ लगानी गरेका छन् । त्यसमा अधिकांश व्यक्तिगत तथा प्रालि प्रर्वद्धक छन् भने ३ वटा पब्लिक लिमिटेड रहेका छन् । दुई बैंकका साथै हिमालयन इन्फ्राष्ट्रक्चर फण्डले पनि १ करोड रुपैयाँ लगानी गरेको छ । हिमालयन रिलाई बीमा समितिले पुनर्बीमा व्यवसाय गर्न लाइसेन्स दिएको छ तर कम्पनीले व्यवसायिक कारोबार भने सुरु गरिसकेको छैन ।