काठमाडौं । प्रभु लाइफ इन्स्योरेन्स कम्पनीले चालु आर्थिक वर्षको दोस्रो त्रैमाशिक अवधिमा सम्पूर्ण उल्लेख सुधार गर्न सफल भएको छ । गत वर्षको यही अवधिको तुलनामा खुद बीमा शुल्क आर्जन ९५.०९ प्रतिशतले बृद्धि गरेको छ । त्यस्तै कुल बीमा शुल्क आर्जन भने १६४ प्रतिशतले बढाएको छ ।
प्रभु लाइफले दोस्रो त्रैमाशिक अवधिमा ६० करोड ९९ लाख रुपैयाँ खुद बीमा शुल्क आर्जन गरेको छ । त्यस्तै कुल बीमा शुल्क आर्जन भने २ अर्ब ६८ करोड रुपैयाँ छ । कम्पनीले यसै अवधिमा सर्वसाधारणका लागि प्राथमिक शेयर जारी गरेको थियो । प्राथमिक शेयर निष्काशनपछि चुक्ता पुँजी २ अर्ब रुपैयाँ पुगेको छ । जगेडा कोषमा भने २८ करोड ४१ लाख रुपैयाँ छ ।
कम्पनीले खुद मुनाफा पनि १२५ प्रतिशतले बृद्धि गर्न सफल भएको छ । यसै अवधिमा कम्पनीले ८ करोड ८ लाख रुपैया खुद मुनाफा आर्जन गरेको छ । गत वर्षको यही अवधिमा तीन करोड ५८ लाख रुपैयाँ थियो । प्रतिशेयर आम्दानी ८ रुपैयाँ छ ।
प्रभु लाइफले दोस्रो त्रैमाशिक अवधिमा एक करोड १३ लाख रुपैयाँको खुद दाबी भुक्तानी गरेको छ । अभिकर्ताले ९ करोड ९५ लाख रुपैयाँ कमिसन प्राप्त गरेका छन् । हाल कम्पनीको सक्रिय बीमालेखको संख्या एक लाख ६१ हजार वटा छन् । कम्पनीले बीमितलाई ९१ लाख रुपैयाँ दाबी भुक्तानी गर्न बाँकी छ ।
कम्पनीको बोनसदर न्युनतम प्रति हजार ३० रुपैयादेखि अधिकतम ७० रुपैयाँसम्म रहेको छ । बीमाङ्कीय मूल्याङ्कनपछि मात्रै कम्पनीको वास्तविक मुनाफा थाहा हुन्छ । कर्जा लगानी तथा अन्य आय बापत कम्पनीले ७ करोड ५० लाख रुपैयाँ आम्दानी गर्न सफल भएको छ ।
प्रभु लाइफको खुद बीमा शुल्क आर्जन ९५ प्रतिशतले बृद्धि
आर्थीकसंसार संवाददाता३० माघ, २०७७
३० माघ, २०७७- बीमा दाबी भुक्तानी छिटोछरितो बनाउनुपर्ने
- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- प्रभु बैंकमा दुई सञ्चालक नियुक्त
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो
- हिमालयन लघुवित्तको नाफा ७३ प्रतिशतले बढ्यो, प्रतिशेयर आम्दानी कति ?