१ जेठ, २०८३काठमाडौं । मेटलाइफ र ग्लोबल सिटिजनले शिक्षा र खेलकुदमार्फत बालबालिका र युवालाई थप सक्रिय र आत्मविश्वासी बनाउन सशक्त बनाउन एउटा नयाँ विश्वव्यापी पहल सुरु गरेका छन्। ‘फुटवर्क फर फ्युचर्स’ भनिने यो सामाजिक सञ्जालमा आधारित प्रतियोगिताले विश्वभरका मानिसलाई सरल तर प्रभावकारी पहलमा भाग लिन आमन्त्रित गर्दछ।
यस पहलको प्राथमिक उद्देश्य शिक्षा र खेलकुदमा बालबालिका र युवाको सहभागिता बढाउनुका साथै उनीहरुको आत्मविश्वास र क्षमतामा सुधार गर्नु हो। यो कार्यक्रमले विशेष गरी विकासशील देशहरुमा शैक्षिक र खेलकुद अवसरहरु विस्तार गर्न महत्वपूर्ण भूमिका खेल्ने आशा गरिएको छ।
स प्रतियोगितामा भाग लिन विश्वको जुनसुकै ठाउँका मानिसले छोटो फुटबल जगलिङ भिडियो बनाउन सक्नछन् र फेसबुक, इन्स्टाग्राम, लिंक्डइन, टिकटक वा एक्स (पहिले ट्विटर) मा पोस्ट गर्न सक्छन्। भिडियो पोस्ट गर्दा ३ँययतधयचपँयचँगतगचभक ह्यासट्याग प्रयोग गर्नुपर्दछ।
प्रत्येक योग्य भिडियो सबमिसनका लागि मेटलाइफले फिफा ग्लोबल सिटिजन एजुकेसन फन्डमा ५ डलर दान गर्नेछ। अधिकतम १ लाख डलरसम्म पुर्याइनेछ।
उठाइएको रकम विभिन्न संस्थामार्फत विश्वभरका बालबालिकाका लागि शैक्षिक र खेलकुद अवसर विस्तार गर्न प्रयोग गरिनेछ। यो पहल मेटलाइफ फाउन्डेसनको ठूलो प्रतिबद्धताको अंश हो। जसले पहिले नै फिफा ग्लोबल सिटिजन एजुकेसन फन्डलाई ९० लाख डलर दिने वाचा गरिसकेको छ। जसले विभिन्न शिक्षा र खेलकुदमा आधारित कार्यक्रमलाई समर्थन गर्दछ।
यस चुनौतीमा भाग लिन कुनै विशेष सीप आवश्यक पर्दैन। जोकोहीले पनि फुटबललाई जुगल गर्ने प्रयास गरेको भिडियो शेअर गर्न सक्छन्। जसले गर्दा यो पहल अझ समावेशी हुन्छ।
कार्यक्रम यही मे १२ देखि जुलाई १९ सम्म वा निर्दिष्ट अनुदान लक्ष्य नपुगेसम्म चल्नेछ।
यद्यपि, भिडियोहरुले सम्बन्धित सामाजिक सञ्जाल प्लेटफर्मको नीति र अभियानका नियम तथा सर्तहरुको पालना गर्नुपर्छ। अनुदानका लागि विचार गर्न भिडियोमा कुनै व्यक्तिले सुरक्षित रुपमा फुटबल जगल गरिरहेको वा जुगल गर्ने प्रयास गरिरहेको देखाउनुपर्छ।
उल्लेखित मापदण्ड पूरा नभएको खण्डमा ग्लोबल सिटिजनले कुनै पनि भिडियोलाई अयोग्य घोषित गर्न सक्छ।
