आर्थीकसंसार संवाददाता२१ असोज, २०८१
२१ असोज, २०८१काठमाडौं । शिखर इन्स्योरेन्सले बाढीपहिरोबाट भएको क्षतिका ठूला सम्पत्तिको अग्रिम दाबी भुक्तानी दिन थालेको छ।
कम्पनीले एक सूचना जारी गर्दै बाढीपहिरोबाट भएको क्षति पुगेका ठूला सम्पत्तिको अग्रिम भुक्तानी गर्दै आएको जानकारी गराएको हो।
बीमा दाबीको रकम यकिनका लागि क्षति भएको सम्पत्तिको मर्मत गर्न, आवश्यक कागजात तयार तथा संकलन गर्न तथा सर्भे गर्न समय लाग्ने ठूला बीमा दाबीको हकमा कम्पनीबाट प्रचलित व्यवस्थाबमोजिम अग्रिम दाबी भुक्तानी गर्दै आएको कम्पनीले जनाएको छ।
यसैगरी गत असोज ११ गतेदेखि देशभर परेको अविरल वर्षाबाट सिर्जित बाढीपहिरोका कारण कम्पनीमा प्राप्त भएका बीमा दाबीमध्ये साना तथा सरल किसिमका बीमा दाबी द्रुत गतिमा भुक्तानी भइरहेको पनि कम्पनीले स्पष्ट पारेको छ।
