२२ जेठ, २०८१काठमाडौं । हिमालयन लाइफ इन्स्योरेन्स लिमिटेडले १६औं बार्षिकोत्सवको अवसरमा ६४ जना कर्मचारीहरुलाई सम्मानित गरेको छ । कम्पनीमा १० बर्ष भन्दा बढि सेवा अवधि पुरा गरेका कर्मचारीहरलाई कम्पनीले सम्मानित गरेको हो ।
सम्मानित भएकाहरु कम्पनीको केन्द्रिय कार्यालय, शाखा तथा उपशाखा कार्यालयमा कार्यरत कर्मचारी रहेका छन् । कम्पनीले कर्मचारीहरुलाई सम्मानपत्र सहित खादा लगाएर सम्मान गरेको हो ।
सो अवसरमा कम्पनीको उपप्रमुख कार्यकारी अधिकृत कपिल कुमार दाहालले मन्तब्य व्यक्त गर्दै दक्षता र क्षमताको अधिकतम प्रयोग गरी अनुकरणिय कार्य गर्न कर्मचारीहरुलाई आग्रह गरे ।
त्यस्तै कनिष्ठ उपप्रमुख कार्यकारी अधिकृत माधव प्रसाद शर्माले योजनाबद्ध रुपमा काम गर्ने परिपाटीको बिकास गरी कार्यक्षेत्रमा अब्बलता प्रदर्शन गर्न कर्मचारीहरुलाई आग्रह गरे ।
कम्पनीको सहायक प्रमुख कार्यकारी अधिकृत राजन प्रसाद अधिकारीले शुभकामना मन्तब्य राखेको कार्यक्रमको संचालन जोनल हेड नविन थापाले गरेका थिए ।