काठमाडौं । आइएमई लाइफ इन्स्योरेन्स कम्पनीको बुटवल शाखा कार्यालयले २ लाख ७५ हजार रुपैयाँको मृत्यु दावी भुक्तानी गरेको छ । केही महिना अगाडि मृत्यु भएकी बुटवल उपमहानगरपालिका नयाँगाउँ निवासी स्वर्गीय सुन्तली रायमाझीको परिवारलाई उक्त रकम प्रदान गरेको हो ।

कम्पनीले उक्त रकम स्वर्गीय बीमितका श्रीमान धन बहादुर रायमाझीलाई प्रदान गरेको हो । आइएमई लाइफ इन्स्योरेन्सका क्षेत्रीय शाखा प्रवन्धक राजेन्द्र पन्थी , बुटवल शाखा प्रमुख नारायण गौतम, क्षेत्रीय संयोजक बिष्णु दवाडी सहितको सहभागितामा बीमितको घरमै पुगेर चेक हस्तान्तरण गरिएको हो ।

कार्यक्रममा आईएमई लाइफका कर्मचारी,एजेन्सी मेनेजर निलकन्ठ भुसाल , विजय फुँजाली, स्मृति खत्री तथा स्थानीयको सहभागिता रहेको थियो ।