१ जेठ, २०८१काठमाडौं । आइएमई लाइफ इन्स्योरेन्स कम्पनीको सल्यान शाखा कार्यालयले ५ लाख ३२ हजार रुपैयाँ मृत्यु दावी भुक्तानी गरेको छ । शारदा नगरपालिका वडा नं २ खलंगा गैरागाउँका हुकुम खड्काको उपचारको क्रममा केही महिना अगाडि मृत्यु भएको थियो । कम्पनीले उक्त रकम मृतक बीमितका पत्नी सीता राणा खड्कालाई प्रदान गरेको हो ।
सोमबार शारदा नगरपालिका प्रमुख प्रकाश भण्डारी र कम्पनीका सल्यान शाखा प्रमुख भरत रोकाय सहितको सहभागितामा बीमितको घरमै पुगेर चेक हस्तान्तरण गरेको हो । खड्काले करिब २ वर्ष अगाडी मात्र आइएमई लाइफ इन्स्योरेन्समा बीमामा गरेका थिए ।
आइएमई लाइफ इन्स्योरेन्स सल्यान शाखा प्रमुख रोकायले बीमाको महत्वबारे प्रकाश पार्दै बीमा अपरिहार्य रहेको बताए ।
सो अवसरमा इन्स्योरेन्सका बिएसए संगीता थापा मगर, एमडीआरटी धर्मराज योगी, एजेन्सी म्यानेजर लता कुमारी भण्डारी, टेक माइन्ड नेटवर्क कर्णाली प्रदेश प्रमुख संगम बिहानी लगायतको सहभागिता रहेको थियो ।