काठमाडौं । सगरमाथा इन्स्योरेन्स कम्पनीले प्रचलनमा ल्याएको आरोग्य स्वास्थ्य बीमा योजनाले बीमितलाई एउटै बीमालेखमार्फत् दुर्घटना, स्वास्थ्य र गम्भीर प्रकृतिका रोगविरुद्ध उपचार खर्चको सुविधा उपलब्ध गराएको छ। आरोग्य स्वास्थ्य बीमा योजना अन्तर्गत बीमितले एउटै बीमालेखमार्फत् सस्तो शुल्कमा दुर्घटना बीमा, स्वास्थ्य उपचार खर्च बीमा र गम्भीर प्रकृतिका रोगको उपचार खर्च उपलब्ध गराउने बीमा सेवा प्राप्त गर्न सक्ने सुविधा रहेको छ ।
ईच्छुक व्यक्तिले कम्पनीको वेबसाइट वा एप्समार्फत् नै अभिकर्ताको मध्यस्थता बिना नै बीमालेख खरिद गर्न सक्ने कम्पनीले जानकारी दिएको छ । कम्पनीका अनुसार एक वर्ष अवधिको लागी १ हजार ६ सय रुपैयाँ भुक्तानी गरेर ७ लाख रुपैयाँ बराबरको दुर्घटना बीमा, एक एक लाख रुपैयाँ बराबरको स्वास्थ्य बीमा र घातक रोगको उपचार खर्च बीमा खरिद गर्न सकिन्छ ।
वर्षको ३ हजार रुपैयाँ भुक्तानी गरेर १० लाखको दुर्घटना बीमा, दुई दुई लाखको स्वास्थ्य बीमा र घातक रोगको उपचार खर्च बीमा सुविधा उपलब्ध छ । त्यसैगरी वर्षको ८ हजार रुपैयाँ बीमाशुल्क भुक्तानी गरेर १० लाखको दुर्घटना बीमा, ५ लाखको स्वास्थ्य उपचार खर्च बीमा र १० लाखको घातक रोग उपचार खर्च बीमा सुविधा प्राप्त गर्न सकिने कम्पनीले जानकारी दिएको छ ।