कावासोती । राष्ट्रिय सहकारी बैंक लिमिटेड कावासोती शाखाको आयोजनामा सञ्चालित दुईदिने कर्जा तथा जोखिम व्यवस्थापन तालिम बिहीबार सम्पन्न भएको छ ।
सदस्य सहकारी संस्थाहरुको वित्तीय व्यवस्थापनका साथै कर्जा परिचालन र जोखिम न्यूनीकरणमा सहयोग पुर्याउने उद्देश्यका साथ तालिम सञ्चालन गरिएको थियो ।
सहकारी संघ संस्थाहरुले आफ्ना सदस्यहरुलाई प्रवाह गर्ने कर्जालाई व्यवस्थित तथा जोखिमरहित बनाउनका लागि तालिम सहयोगी भएको सहभागीहरुले बताएका थिए । समापन कार्यक्रममा बैंकका सञ्चालक तथा गण्डकी प्रदेशका संयोजक रामबहादुर जिसीले सहकारीको नियमित कामलाई प्रभावकारी बनाउनुका साथै सहकारी क्षेत्रको साख बृद्धि गर्नका लागि कर्जा तथा जोखिम व्यवस्थापनमा ध्यान दिनुपर्नेमा जोड दिनुभयो ।
उहाँले सहकारी क्षेत्रले गर्ने काम प्रभावकारी र प्रतिफलमुखी बनाउन सकेमा सिंगो सहकारी अभियानको भूमिका बढ्ने भएकाले सबै सहकारीहरुले आफ्नो संस्थालाई नीतिसम्मत र प्रविधिमैत्री रुपमा सञ्चालनमा ध्यान दिनुपर्ने बताउनुभयो ।
कार्यक्रममा तालिमका सहजकर्ता तथा वैंकका तालिम विभागका अधिकृत नारायण वेलवासेले तालिमको प्रभावकारीताका बारेमा आफ्नो धारणा राख्नु भएको थियो ।
कार्यक्रम राष्ट्रिय सहकारी बैंक कावासोती शाखा व्यवस्थापन उपसमितिका संयोजक तिलक पराजुलीको अध्यक्षता र शाखा प्रमुख रुक्मत श्रेष्ठको सञ्चालनमा सम्पन्न भएको थियो । तालिममा नवलपुरमा सञ्चालित विभिन्न सहकारी संस्थाका कर्जासँग सम्बन्धित कर्मचारी र सञ्चालक ४० जनाको सहभागिता रहेको थियो ।
सहकारी बैंकको कर्जा तथा जोखिम व्यवस्थापन तालिम सम्पन्न
आर्थीकसंसार संवाददाता२१ फागुन, २०७७
२१ फागुन, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह