काठमाडौं । लुम्बिनी जनरल इन्स्योरेन्स कम्पनीले चौथो त्रैमासको वित्तीय विवरण सार्वजनिक गरेको छ । कम्पनीले चौथो त्रैमासको अवधिमा ५८ करोड ८३ लाख रुपैयाँ बीमा शुल्क आर्जन गर्न सफल भएको छ ।
कम्पनीले गत वर्षको सोही अवधिमा ६६ करोड ३८ लाख रुपैयाँ खुद बीमा शुल्क आर्जन गर्न सफल भएको थियो । अघिल्लो वर्षको तुलनामा कम्पनीको नाफा २१ दशमलव ४३ प्रतिशतले घटेको छ । समीक्षा अवधिमा कम्पनीको नाफा ११ प्रतिशतले घटेर २० करोड ४१ लाख रुपैयाँमा सिमित भएको । अघिल्लो वर्ष कम्पनीले २५ करोड ९८ लाख रुपैयाँ नाफा कमाएको थियो ।
अघिल्लो वर्ष ५६ करोड ९८ लाख रुपैयाँ रहेको बीमा कोषको आकार असारसम्ममा ६४ करोड ४५ लाख रुपैयाँ पुगेको छ । असार मसान्तसम्ममा १ अर्ब १४ करोड रुपैयाँ चुक्ता पुँजी रहेको छ भने जगेडा कोषमा २४ करोड १२ लाख रुपैयाँ छ ।
यस अवधिमा कम्पनीले कुल ७६ करोड ८४ लाख रुपैयाँ दाबी भुक्तानी गरेको छ भने ६७ करोड ८ लाख रुपैयाँ दाबी भुक्तानी गर्न बाँकी रहेको छ । कम्पनीको प्रति सेयर आम्दानी १७ रुपैयाँ ८८ पैसा रहेको यसको प्रतिसेयर नेटवर्थ १८२ रुपैयाँ ८३ पैसा छ ।