काठमाडौं । कुमारी बैंकको साधारणसभा मंसिर २९ गते हुने भएको छ । बैंकले २०औं वार्षिक साधारणसभा मंसिर २९ गतेका लागि आह्वान गरेको हो । बैंकको गत शुक्रबार बसेको सञ्चालक समितिले बैंकको आर्थिक वर्ष २०७६÷०७७ को साधारणसभा बैंककै केन्द्रीय टंगाल, काठमाडौंमा बिहान ११ः३० बजेका लागि आह्वान गरेको हो । साधारणसभामा १४ प्रतिशत लाभांश पारित गर्ने एजेण्डा पेश गरिने बैंकले जनाएको छ ।
बैंक सञ्चालक समितिले यस वर्षको साधारणसभा डिजिटल माध्यमबाट बोलाइएको जनाएको छ । उक्त साधारणसभाले सञ्चालक समितिले प्रस्ताव गरेको चुक्ता पुँजीको १०.८५ प्रतिशत बोनस शेयर र ३.१५ प्रतिशत नगद लाभांश (करसहित) गरी कुल १४ प्रतिशत लाभांश वितरण गर्ने प्रस्ताव पारित गर्ने बैंकले जनाएको छ । बैंकले एक सार्वजनिक सूचना प्रकाशित गर्दै साधारणसभाको मिति तय गर्दै उक्त साधारणसभामा आयव्यय विवरण तथा १४ प्रतिशत बोनस दिनेसम्बन्धी प्रस्ताव पेश गरी पास गरिने जनाएको छ ।
बैंकले साधारणसभामा पेश गर्ने बोनससम्बन्धी प्रस्ताव राष्ट्र बैंकबाट स्वीकृत गरिसकेको छ । साधारणसभामा बैंक र अन्य उपयुक्त संस्थासँग मर्जर तथा एक्विजिशन गर्न तथा वैदेशिक रणनीतिक साझेदारीमा जान उपयुक्त देखिएमा सोसम्बन्धी सम्पूर्ण कार्य गर्न सञ्चालक समितिलाई अख्तियारी दिने प्रस्ताव पनि साधारणसभामा पेश गरिने बैंकले जनाएको छ ।
लाभांश लिन चाहने लगानीकर्ताहरुका लागि मंसिर १५ गते बुक क्लोज मिति तय गरेको छ । उक्त लाभांश लिन चाहने सदस्यहरुले मंसिर १४ गते आइतबारसम्म नेप्सेमा शेयर कारोबार भई कायम रहेका शेयरधनीले मात्र बैंकले वितरण गर्न १४ प्रतिशत लाभांश लिन पाउनेछन् भन्ने बैंकले जारी गरेको सूचनामा उल्लेख छ
कुमारी बैंकको साधारणसभा मंसिर २९ गते हुने
आर्थीकसंसार संवाददाता७ मंसिर, २०७७
७ मंसिर, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण