News Portal

  • नेपाल लाइफलाई सिटी सेन्टरमा रहेको लगानी अलग गर्न प्राधिकरणको निर्देशन, प्रगति विवरण पेश गर्ने आदेश

    आर्थीकसंसार संवाददाता१० जेठ, २०८०
    ८९ पटक
    १० जेठ, २०८०

    काठमाडौं । नेपाल बीमा प्राधिकरणले नेपाल लाइफलाई सिटी सेन्टरमा रहेको लगानी अलग गर्न निर्देशन दिएको छ । बीमा ऐन २०७९ को दफा ६७ को उपदफा (२) बमोजिम बीमा ऐन लागु भएको ६ महिना भित्रमा बीमा कम्पनीहरुले संयुक्त रुपमा लगानी गरेका सम्पत्तीलाई अलग गर्नु पर्ने व्यवस्था रहेको छ ।
    तर नेपाल लाइफ इन्स्योरेन्स कम्पनीले सिटी सेन्टरमा गरेको संयुक्त लगानीलाई विनिवेश गर्न कुनै पनि प्रकृयाँ अगाडी नबढाए पछि प्राधिकरणले कम्पनीलाई यस विषयमा सञ्चालक समितिको धारणा पेश गर्न निर्देशन दिएको हो ।
    प्राधिकरणले भनेको छ ‘ऐनको दफा ६७ को उपदफा (२) बमोजिम ६ महिना भित्र उक्त सम्पत्तीबाट आफ्नो सम्पत्ती अलग गर्ने सम्बन्धमा तहाँको धारणा बीमकको सञ्चालक समितिबाट निर्णय गरी राय सहित सम्पुर्ण कागजात विवरण पत्र प्राप्त भएको मितिले ७ दिन भित्र बुँदागत रुपमा पेश गर्नु हुन आदेशनुसार जानकारी गराइन्छ ।’ प्राधिकरणले यस विषयमा कम्पनीको सञ्चालक समितिले गरेका निर्णयका साथै राय समेत पेश गर्न निर्देशन दिएको छ ।
    नेपाल लाइफले काठमाडौं महानगरपालिका वडा नं ३३ कमलपोखरीमा रहेको कित्ता नं. ३५८४ मा बनेको सिटीसेन्टरको स्वामित्व गोपाल जी प्रपर्टिज र नेपाल लाइफको नाममा छुट्टा छुट्टै रहेको छ । स्वामित्व छुट्टा छुट्टै भए पनि चारकिल्ला नछुट्टिएको प्राधिकरणले जनाएको छ ।
    प्राधिकरणले स्थलगत अनुगमनका क्रममा तयार पारेको प्रतिवेदन अनुसार सिटी सेन्टरको भवनमा स्थायी संरचनाबाट कम्पनीको स्वामित्व रहेको क्षेत्रमा चारकिल्ला छुट्टिदैन । सिटी सेन्टरको भवनमा कम्पनीको भौतिक हिस्सा के कति हो भनेर यकिन गर्न सकिने अवस्था नरहेको प्राधिकरणले उल्लेख गरेको छ ।
    स्थगत अनुगमनकै क्रममा चारकिल्ला नछुट्टिएको कारण बीमा ऐन २०७९ को दफा ६७ को उपदफा (१) र (२) तथा दफा ६८ को उपदफा (१) र (२) बमोजिम हुन सक्ने गोपाल जी प्रपर्टिजका लगानीकर्ताहरुको विवरण, उक्त प्रपर्टिजसँगको सम्झौता तथा सिटी सेन्टरमा नेपाल लाइफका सञ्चालक समितिका सदस्यहरुको वित्तीय स्वार्थ रहे नरहेको भन्दै प्रश्न गरिएको छ । प्राधिकरणले सिटी सेन्टरमा रहेको लगानीकर्ताको विवरण, भवन संरचनाको कागजात पेश गर्न निर्देशन दिएको छ ।
    नेपाल लाइफले जानाजान बीमा ऐन २०७९ को ठाडो उल्लेखङ्घन गरेर बसेको छ । ऐनमै प्रष्ट सँग संयुक्त लगानीलाई ६ महिना भित्रमा विनिवेश गरिसक्नु पर्नेछ भन्दा भन्दै पनि कम्पनी चुप लागेर बसेको छ । कम्पनीले बैशाख २२ गतेभित्रै संयुक्त लगानीलाई विनिवेश गर्नु पर्ने हुन्छ ।
    सिटीसेन्टरको जग्गामा नेपाल लाइफ र गोपाल जी प्रपर्टिजको छुट्टा छुट्टै लगानी छ । तर नक्सा भने एउटै छ । यसकारणले पनि भौतिक संरचनामा चारकिल्ला छुट्ट्याउन नसकिएको हो । नेपाल लाइफकै सञ्चालक तथा लगानीकर्ताको लगानी रहेको सिटी सेन्टरमा नेपाल लाइफलाई बेफाइदा पुग्ने गरि काम गरिएको छ ।
    नेपाल लाइफले सिटी सेन्टरमा गरेको लगानी कि त विनिवेश गर्नु पर्छ होइन भने आफैले खरिद गर्नु पर्छ । तर यि दुबै प्रकृयाँ अहिलेसम्म पनि अगाडी बढेको छैन । कम्पनीले जग्गाको स्वामित्व छुट्टा छुट्टै रहेको भन्दै खरिद तथा विनिवेश गर्न खोजेको देखिदैन ।

    प्रतिकृया दिनुहोस्